اب سے ایک تقریباً ایک ہفتہ قبل آوڈی کے نئے تکنیکی سربراہ ڈاکٹر اسٹیفن کنرش نے انکشاف کیا تھا کہ جرمن کار ساز ادارہ اپنی مہنگی اور پُرتعیش آوڈی A8 کا وسیع انداز بھی متعارف کروائے گا جو مارکیٹ میں مرسڈیز میباخ S600 کے مدمقابل پیش کیا جائے گا۔ اس سے قبل آوڈی A8 ليموزين کی تصاویر بھی ادارے کی جانب سے منظر عام پر لائی جاچکی ہیں۔ تاہم یہ بات زیادہ تعجب خیز نہیں ہو گی اگر آوڈی اس کی گرفت بہتر بنانے کے لیے سائز میں تھوڑی کمی کر دے۔آوڈی SQ7 کی پیش کش کے موقع پر ڈاکٹر اسٹیفن نے ذرائع ابلاغ کے نمائندگان سے بات کرتے ہوئے کہا کہ S-کلاس کے غیر معمولی طوالت والے ورژن کی کامیابی دیکھتے ہوئے ہم سوچ رہے ہیں کہ آیا مستقبل میں بھی ایسی گاڑیاں فروخت کی جاسکیں گی۔
یہ بھی پڑھیں: آوڈی پاکستان میں گاڑیوں کی تیاری پر غور کرے گا
آوڈی A8 کے نئے ليموزين ورژن کے علاوہ یہ بھی بتایا گیا ہے کہ نئی A8 کو لیول 3 آٹومیشن کے ساتھ پیش کی جائے گی۔ اس کا مطلب یہ ہوا کہ اس گاڑی میں خود کار طریقے سے چلائے جانے کی سہولت میں موجود ہوگی۔ آوڈی (Audi) کے سربراہ روپرٹ اسٹیڈلر نے بھی اس خبر کی تصدیق کردی ہے جن کے سامنے آنے کے بعد گاڑیوں کے شعبے میں آوڈی کا چرچہ ہوگیا ہے۔
آوڈی نے اس گاڑی کا خیال آوڈی پرولاگ کے نام سے لاس اینجلس آٹو شو 2015 میں پیش کیا تھا۔ اسے نئی آوڈی A8 کی بنیاد پر دکھا یا گیا تھا۔ ذیل میں موجود خفیہ تصاویر میں موجود گاڑی سیاہ سفید ماسک میں چھپی ہوئی ہے لیکن 2015 میں دکھائی جانے والی گاڑی کو دیکھ کر اس کے نقش و نگار کا بخوبی اندازہ لگایا جاسکتا ہے۔ اس کے علاوہ اگلی جانب سے نئی Q7 جیسا انداز بھی کافی نایاں ہے کیوں کہ آوڈی ہمیشہ ہی گاڑی کے اگلے حصے کو قدرے جذباتی انداز دینے کے لیے مشہور ہے۔
آوڈی کی کوشش ہے کہ وہ A8 سیڈان کے ساتھ ليموزين ورژن بھی پیش کرے۔ اگر ایسا ممکن ہوا تو یہ گاڑی براہ راست S600 اور بینٹلے فلائی سُپر سے براہ راست مدمقابل آجائے گی۔
