بِنیلی پاکستان میں متعارف کروانے جا رہی ہے 600سی سی بائیکس۔

بِنیلی کا شمار ایسی کمپنیوں میں ہوتا ہے جو پاکستانی موٹرسائیکل انڈسٹری میں اپنے قدم جمانے کی کوششوں میں لگی ہیں۔جلد ہی وہ پیش کرنے جا رہے ہیں ایک منفرد سپورٹس بائیک،بِنیلی ٹی این ٹی ٹووینٹی فائیو۔ کچھ لوگوں کے مطابق انہیں امید کے برعکس کامیابی حاصل نہیں ہو گی۔کہ آپ کو سڑکوں پر بھی بِنیلی کی بائیکس نا ہو نے کے برابر نظر آتی ہیں۔مگر اس معاملے میں بِنیلی آپ سے اتفاق نہیں کرتی، اس کی وجہ یہ ہے کہ چند ماہ تک یہ اٹیلین کمپنی پاکستان میں 600سی سی بائیکس متعارف کروانے جا رہی ہے۔

بِنیلی کے آفیشل فیس بک پیج کے مطابق،پاکستان میں بنیلی 600آئی بائیک اور 600سی سی نیکِڈ بائیک متعارف کروا نے جا رہی ہے،جو کہ ایک بہترین خبر ہے۔حتمی تاریخ ابھی تک منظرِ عام پر نہیں آئی مگر بِنیلی کے مطابق یہ بائیکس رواں سال اکتوبر کے مہینے میں فروخت کے لئے پیش کر دی جائیں گی۔

      جہاں تک کہ قیمت کی بات کی جائے تو،یہ بات ذہن میں ر کھیں کہ اس کی قیمت تقریباً گیارہ سے بارہ لاکھ کے درمیان ہو گی۔آپ اس کی قیمت کوزیادہ تصور کر سکتے ہیں، مگر ہمیں خوشی ہے کہ بِنیلی خود پر اور پاکستانی مارکیٹ پر بہت زیادہ یقین رکھتی ہے کہ وہ یہ بائیکس پاکستان میں با آسانی فروخت کر پائیں گے۔

      جہاں اس بائیک کی سپیکس کی بات آتی ہے تو،یہ آپ کو کسی بھی حوالے سے نا امید نہیں کرے گی۔یہ بائیک فور سیلنڈر ان لائن،لیکویڈ کولڈ،فور والوزپر مشتمل ہر سیلنڈر،ڈبل اوور ہیڈ کیم شافٹ انجن جو کہ گیارہ ہزار پانچ سو آر پی ایم پر اسی بی ایچ پی فراہم کرتا ہے، رکھتی ہے۔یہ الیکٹرانک فیول انجیکشن سسٹم او ر چار اِنڈِپینڈنٹ تھرٹل باڈیزِ کی حامل ہے۔اس بے مثال انجن کے ساتھ ساتھ آپ ایک ویٹ کلچ اور سِکس سپیڈ گیئر باکس بھی حاصل کرتے ہیں۔

 یہ کہنا غلط نہ ہو گا کہ ہم اس موٹر سائیکل کو پاکستان میں دیکھنے کے لئے بے صبری سے انتظار کر رہے ہیں۔ہیوی بائیکس جیسا کہ سوزوکی ہایا بوسا اور کاوا ساکی نِنجا کو پاکستانی موٹر سائیکل شوقین حضرات کی جانب سے پہلے بھی بہت پسند کیا جا چکا ہے ا ب یہ دیکھناخاصا دلچسپ ہو گا کہ نئی ٹی این ٹی 600آئی مارکیٹ میں اپنی جڑیں مظبوط کر پاتی ہے یا نہیں۔