ہونڈا کی مشہورِ زمانہ سیڈان سِوک کی دسویں جنریشن اب پاکستان میں بھی متعارف کروادی گئی ہے۔ اگر آپ بھی نئی ہونڈا سِوک 2016 کے مالک بننا چاہتے ہیں تو آج ہی 1800cc نیچرلی ایسپریٹڈ انجن یا 1500cc ٹربو انجن کی حامل سوک صرف 10 لاکھ روپے کے عوض بُک کرواسکتے ہیں۔ ہونڈا کی جانب سے فی الوقت دونوں ہی ماڈل CVT گیئر باکس کے ساتھ پیش کیے جارہے ہیں جبکہ مینوئل ٹرانسمیشن کی فراہمی اب تک غیر یقینی ہے۔
مزید پڑھیں: پاکستان میں ہونڈا سِوک 2016 کی بکنگ شروع ہوگئی
نئی سِوک بُک کروانے کا مرحلہ وار طریقہ
٭ اپنا اصلی کمپیوٹرائزڈ قومی شناختی کارڈ (CNIC) لیں اور بینک سے 10 لاکھ روپے کا پے آرڈر بنام Honda Atlas بنوائیں۔
٭ شناختی کارڈ اور پے آرڈر کے ہمراہ کسی بھی قریبی ہونڈا ڈیلر شپ پر جائیں (فہرست کے لیے یہاں کلک کریں)۔
٭ 1800cc نیچرلی ایسپریٹڈ یا 1500cc ٹربو انجن کی حامل سِوک میں سے اپنی پسند کے مطابق انتخاب کریں۔
٭ ڈیلر شپ پر قومی شناختی کارڈ اور پے آرڈر فراہم کر کے اپنی نئی ہونڈا سِوک 2016 بُک کروالیں۔
نئی ہونڈا سِوک آسان اقساط پر حاصل کرنے کے لیے یہاں کلک کریں
ہونڈا ایٹلس (Honda) کی ویب سائٹ پر بھی سِوک 2016 کی بکنگ شروع کیے جانے کا باضابطہ اعلان کردیا گیا ہے تاہم اس کی حتمی قیمت، خصوصیات کی فہرست اور دستیابی کے لیے درکار وقت سے متعلق معلومات فراہم نہیں کی گئیں۔
