پاکستان میں آنے والے کئی آٹوموبائل اداروں میں سے ایک چنگن آٹوموبائلز ہے جو چین میں سرکار کی زیر ملکیت ہے اور پاکستان ماسٹر موٹرز کے تعاون سے کام کر رہا ہے۔
کمپنی نے ابتدائی طور پر ملک میں CBUs فروخت کرنا شروع کردی ہیں البتہ 2 مئی 2019ء کو اس نے پاکستان میں اپنی پہلی مقامی طور پر بننے والی چنگن گاڑی متعارف کروائی، جو ایک درمیانے سائز کی وین کاروان ہے۔ توقع ہے کہ کمپنی آئندہ دنوں میں دو کمرشل پک اپس M8 اور M9 کی پیداوار اپنی اسمبلی لائن میں لائے گی۔
وینز اور پک اپس کے علاوہ یہ جوائنٹ وینچر درمیانے سائز کی SUV چنگن CX70T پاکستان میں لانچ کرنے پر بھی نظریں جمائے ہوئے ہے تاکہ مقامی آٹو انڈسٹری کو تہہ و بالا کردے اور مارکیٹ شیئر حاصل کرے۔ اس گاڑی کی لانچ کی تاریخ اور قیمت اب تک کمپنی کی جانب سے ظاہر نہیں کی گئی۔ لیکن معاملات کو تیز تر کرنے کے لیے کمپنی نے اپنی گاڑی کی ٹیسٹنگ شروع کردی ہے کہ جسے دیکھ لیا گیا ہے، ذرا نیچے تصویریں ملاحظہ کیجیے:
دیکھی گئی گاڑی، جیسا SUV کے پیچھے بھی لکھا ہوا ہے کہ لیفٹ ہینڈ ڈرائیو ہے اور ماسٹر موٹرز کارپوریشن پرائیوٹ لمیٹڈ کے نام سے رجسٹرڈ ہے۔ CX70T ایک 1.5L “بلوکور” ٹربو چارجڈ اور ڈائریکٹ انجیکٹڈ اِنلائن-4 انجن سے لیس ہوگی جو 147HP اور 230Nm ٹارک پیدا کرتا ہے۔ یہ گاڑی آٹو اور مینوئل دونوں ٹرانسمیشنز میں آتی ہے؛ دیکھیں یہاں کمپنی کیا متعارف کروائے گی؟
ہماری طرف سے اتنا ہی، اپنے خیالات نیچے تبصروں میں پیش کیجیے۔
