گرمیوں میں ڈرائیونگ تجربے کو بہتر بنانے کے لیے ضروری مصنوعات

آجکل گرمیاں اپنے عروج پر ہیں اور کبھی کبھار تو گاڑی کے اندر داخل ہونا ناقابلِ برداشست ہو جاتا ہے، اس لیے ہم آپ کی گاڑی کے لیے کچھ ایسی مصنوعات لا رہے ہیں جن سے آپ کا ڈرائیونگ تجربہ کچھ آسان ہو جائے گا۔ PakWheels.com کے آن لائن آٹو اسٹور پر آپ کو کئی مصنوعات مل سکتی ہیں جو گرمیوں کے مہینوں کے لیے موزوں ہیں۔ بسا اوقات آپ کو اپنی گاڑی کو گرمیوں کے لیے تیار کرنے کی خاطر کچھ حصے تبدیل کرنے پڑتے ہیں جیسا کہ چمڑے کی سیٹوں کے مقابلے میں گرمیوں میں کپڑے کی نشستیں زیادہ آرام دہ ہوتی ہیں۔ چمڑے کی سیٹیں بہت گرم ہو جاتی ہیں اور کبھی کبھی تو چھوٹے موٹے سفر کے لیے بھی ان پر بیٹھنا ناقابلِ برداشت ہو جاتا ہے۔

وِنڈ شیلڈ وائزر

اگر آپ کو گاڑی پارک کرتے ہوئے کوئی سایہ دار جگہ نہ ملے تو یہ پروڈکٹ بہت ضروری ہے۔ آپ کی گاڑی کی وِنڈ شیلڈ دھوپ کے گاڑی میں داخلے کا راستہ ہے اور ڈیش بورڈ اور اگلی سیٹوں کو گرم کرنے کا سبب بنتی ہے۔ وِنڈ شیلڈ وائزرز اس راستے سے دھوپ کے داخلے کو روکتے ہیں۔

سائیڈوں اور پچھلی کھڑکیوں کے لیے سن شیڈز بھی وِنڈ شیلڈ وائزرز کا کام مکمل کر سکتے ہیں۔ ان سے گاڑی میں داخل ہونے والی دھوپ مزید کم ہوتی ہے۔ یہ سب آپ کی گاڑی کے ایئر کنڈیشننگ یونٹ کو بہتر کارکردگی پیش کرنے اور ڈیش بورڈ جیسے انٹیریئر آئٹمز کو خراب ہونے سے بچانے میں مدد دیتے ہیں۔

کار کوَر

سخت دھوپ کو گاڑی میں داخل ہونے سے روکنے کے لیے کار کوَر ایک اور آپشن ہے۔ مزید کہ یہ کار کوَر گاڑی کے پینٹ کو بھی دھوپ سے متاثر ہونے سے روکتا ہے۔ گرمیوں کے مہینوں میں گاڑی کا بہت دیر تک دھوپ میں کھڑے رہنا اس کے بیرونی رنگ کو متاثر کر سکتا ہے؛ یوں گاڑی کی ویلیو خراب ہو جاتی ہے۔

سن گلاسز

گرمیوں کے دوران روشنی بہت زیادہ ہوتی ہے اور صبح کے اوقات میں آپ اس کے مضر اثرات سے باآسانی بچ سکتے ہیں۔ سورج کی روشنی سڑک کی سطح سے منعکس بھی ہوتی ہے اور آپ کو عارضی طور پر اندھا بھی کر سکتی ہے، جو بہت خطرناک بات ہے۔ سن گلاسز آپ کی آنکھوں پر پڑنے والے دباؤ کو کم کرنے میں مدد دیتے ہیں۔ یہ سڑک اور اس پر موجود دیگر گاڑیوں کو واضح طور پر دیکھنے میں آپ کی مدد کرتے ہیں۔

اسٹیئرنگ ویل کوَر

اسٹیئرنگ ویل کوَر اسٹیئرنگ ویل کو ٹوٹ پھوٹ سے بچاتا ہے اور گرمیوں کے موسم میں اسے چھونا بھی نسبتاً بہتر بناتا ہے۔ آپ نے لازماً گرمیوں کی دھوپ کھانے کے بعد گرماگرم اسٹیئرنگ ویل کو محسوس کیا ہگا۔ کبھی کبھی تو یہ اتنا گرم ہو جاتا ہے کہ چھوتے ہی ہاتھ جل جاتا ہے۔

سیٹ کوَر

سیٹ پروٹیکٹر نہ صرف آپ کی سیٹ کو گرد، پانی گرنے کی صورت میں نقصان اور دیگر چیزوں سے بچاتا ہے بلکہ وہ اسے گرم ہونے سے بھی محفوظ رکھتا ہے۔ چمڑے کے پروٹیکٹرز استعمال کرنے سے اجتناب کریں کیونکہ یہ باآسانی گرم ہو جاتے ہی۔ ہمیشہ کپڑے کے پروٹیکٹر استعمال کریں جو صاف کرنا بھی آسان ہیں۔

اگر آپ گرمیوں کے لیے کسی دوسری پروڈکٹ کو ضروری سمجھتے ہیں ہمیں اس کے بارے میں نیچے تبصروں میں ضرور بتائیں۔