گندھارا نے تین مختلف ویریئنٹس اور 2 مختلف انجن آپشنز؛ 2.5 لٹر اور 3.0 لٹر کے ساتھ نئی اسوزو ڈی-میکس 2019ء پیش کردی ہے۔
PakWheels.com کو دستیاب معلومات کے مطابق گاڑی پاکستان بھر میں تمام گندھارا ڈیلرشپس پر دستیاب ہے اور بک بھی کروائی جا سکتی ہے۔ کمپنی کافی عرصے سے اس گاڑی کے اجراء پر نظریں جمائے ہوئے تھی، لیکن چند مسائل کی وجہ سے اس کی لانچنگ میں تاخیر ہوگئی اور اب بالآخر پاکستان میں اپنے صارفین کے لیے یہ گاڑی متعارف کروا دی گئی ہے۔
اسوزو ڈی-میکس ہائی-اسپارک:
گاڑی کے بنیادی ویریئنٹ کو ہائی-اسپارک کا نام دیا گیا ہے، جو دم ٹرِمز میں دستیاب ہے اور 2.5-لٹر انٹرکولر ٹربو انجن سے لیس ہے جو 3400 rpm پر 134 hp اور 1,800-2,800 پر 320 Nm ٹارک پیدا کرتا ہے۔ اسے تین مختلف رنگوں اسپلیش وائٹ، ٹائی ٹینیم سلور اور ڈی-میکس گرے رنگوں میں پیش کیا گیا ہے۔
ہائی-اسپارک 4×2 سنگل کیبن ڈیک لیس کی ایکس-فیکٹری قیمت 24.25 لاکھ روپے ہے اور 4×2 سنگل کیبن ڈیک کے ساتھ کی قیمت 26.25 لاکھ روپے ہے۔
اسوزو ڈی-میکس ہائی-لینڈر:
کمپنی کی جانب سے جاری کردہ دوسرا ویریئنٹ ہائی-لینڈر ہے۔ یہ گاڑی 2.5-لیٹر انٹرکولر ٹربو انجن کی حامل ہے۔ یہ دو مختلف ٹرِمز میں دستیاب ہے: 4×4 سنگل کیبن اور 4×4 ڈبل کیبن۔ 4×4 سنگل کیبن ہائی-لینڈر 37.25 لاکھ روپے کی ہے جبکہ ڈبل کیبن ویریئنٹ کی قیمت 39.75 لاکھ روپے ہے۔ واضح رہے کہ ڈبل کیبن 8 مختلف رنگوں میں پیش کیا جا رہا ہے جیسا کہ ٹنڈرا گرین، فینٹم براؤن وغیرہ۔
اسوزو ڈی-میکس وی-کراس:
اب گاڑی کے تیسرے ویریئنٹ اسوزو ڈی-میکس وی-کراس کی طرف آتے ہیں، جو 3.0 -لیٹر انٹرکولر ٹربو انجن کے ساتھ آتا ہے جو 3200 rpm پر 163 hp اور 1,800-2,200 پر 380 Nm ٹارک پیدا کرتا ہے۔ یہ 4×4 ڈبل کیبن گاڑی مینوئل اور آٹو ٹرانسمیشن دونوں آپشنز کے ساتھ پیش کی گئی ہے۔ مینوئل ٹرانسمیشن ورژن کی قیمت 4,450,000 روپے ہے اور آٹو ویریئنٹ 4,675,000 روپے کا ہے۔
ان گاڑیوں کی بکنگ کے لیے درکار دستاویزات یہ ہیں:
ہماری طرف سے اتنا ہی، اپنے خیالات نیچے تبصروں میں پیش کیجیے۔
