گندھارا نسان لمیٹڈ (GNL) نے اپنےبراؤن فیلڈ پروجیکٹ کے لیے پلانٹ اور مشینری کے حصول سے پاکستان اسٹاک ایکسچینج (PSX) کو آگاہ کیا ہے۔
تفصیلات کے مطابق ممکنہ فروخت کو پورا کرنے کے لیے کمپنی اپنے پلانٹ کی توسیع کی سخت کوششیں کر رہی ہے۔ واضح رہے کہ گندھارا پہلے ہی ڈاٹسن ماڈلز کی مقامی پیداوار کے لیے اپنے آٹوموٹو پارٹنر گندھارا نسان لمیٹڈ کے ساتھ مینوفیکچرنگ و لائسنسنگ کا معاہدہ کر چکی ہے۔ اور اس ہدف کو حاصل کرنے کے لیے ایک ٹیم بھی نسان موٹرز کے پلانٹ کا دورہ کرچکی ہے تاکہ خود کو ڈاٹسن کاروں کی اسمبلی سے مانوس کر سکے اور مینوفیکچرنگ تنصیبات کے لیے درکار مشینری کو حتمی صورت دے سکے۔
مزید برآں، کمپنی اپنے نیٹ ورک ڈیولپمنٹ منصوبے کے ایک حصے کے طور پر بڑے شہروں میں مقامات کی تلاش کر رہی ہے کہ جہاں وہ اپنی ڈاٹسن کاریں فروخت کرے گی اور آٹو پارٹس کے لیے بھی وینڈرز کے ساتھ کوٹیشن کی درخواستیں شیئر کی ہیں۔ بتایا گیا ہے کہ ابتدائی مرحلے میں کمپنی مقامی مارکیٹ میں ڈاٹسن گو اور گو+ متعارف کروائے گی۔ مزید برآں، اس مہینے کے لیے ایک سپلائر کانفرنس بھی طے شدہ ہے۔
گندھارا اگلے چار سالوں میں 4.5 ارب پاکستانی روپے (41 ملین ڈالرز) کی سرمایہ کاری کرے گا۔ منصوبہ اور ریٹیل نیٹ ورک کی تیاری 1,800 سے زیادہ ملازمتیں تخلیق کرے گی۔ نسان کی مقامی مارکیٹ میں آمد پاکستانی صارفین کو نت نئی اور پسندیدہ گاڑیوں کی لائن اپ فراہم کرے گی جو جدید جاپانی انجینیئرنگ کے تحت ڈیزائن اور تیار کی گئی ہیں۔
آٹوموٹو سے متعلق خبروں کے لیے PakWheels.com پر آتے رہیے۔
