ہونڈا نے منصوبے کے مطابق مغربی جاوا، انڈونیشیا سے نئی دوسری جنریشن کی ہونڈا بریو (Brio) ہیچ بیک کی برآمد (ایکسپورٹ) شروع کردی ہے۔
ہونڈا کے آٹوموبائل مینوفیکچرنگ اینڈ سیلز کے لیے جوائنٹ وینچر ہونڈا پروسپیکٹ موٹر (PHP) نے ہیچ بیک کے برآمدی ماڈلز کی پیداوار شروع کردی ہے۔ گزشتہ سال نومبر میں PHP نے 2019ء کے اوائل سے بریو کی نئی دوسری جنریشن کے برآمدی منصوبوں کا اعلان کردیا تھا۔مینوفیکچرر کی جانب سے پیداوار منصوبے کے مطابق جاری ہے۔برآمد کے لیے تیار کیے گئے یہ ماڈلز ریاست مغربی جاوا، انڈونیشیا کے کارخانے میں تیار کیے جائیں گے۔ ابتدائی طور پر 2019ء بریو فلپائنز اور ویت نام کو برآمد کی جائے گی جس کی کل برآمدی مالیت 70.54 ملین ڈالرز ہوگی۔
انڈونیشیا کی آٹوموبائل مینوفیکچرنگ کمپنی ہونڈا ماڈلز تیار اور برآمد کرنے کا اچھا ٹریک ریکارڈ رکھتی ہے۔ اعداد و شمار کے مطابق یہ 2013ء سے ایشیا اور امریکا کے 12 ممالک کے لیے متعدد ہونڈا کاروں کو 11 کمپلیٹلی ناکڈ ڈاؤن (CKD) ماڈلز برآمد کر چکی ہے۔ اس عرصے میں ہونڈا کے اِن 11 مختلف ماڈلز کی تقریباً 13 لاکھ گاڑیاں بنائی جاچکی ہیں۔ ہونڈا پروسپیکٹ موٹر انڈونیشیا میں قائم اپنی دو مینوفیکچرنگ فیکٹریوں سے دو میں ہر سال 2,00,000 گاڑیاں بنانے کی گنجائش رکھتا ہے کہ جن میں کل 6,900 ملازمین کام کرتے ہیں۔
دوسری جنریشن کی ہونڈا بریو کا آغاز:
آئیے نئی ہونڈا بریو 2019ء کے بارے مختصراً بات کرتے ہیں۔ اس ہیچ بیک کی رونمائی اگست 2018ء میں ہونے والے شاندار گائی کنڈو انڈونیشیا انٹرنیشنل آٹو شو (GIIAS) مین ہوئی تھی۔ یہ دوسری جنریشن کا ماڈل 1.2 لیٹر i-VTEC چار سلینڈر پٹرول انجن سے لیس ہے جو زیادہ سے زیادہ 88 hp اور 110 Nm ٹارک پیدا کرتا ہے۔ چھوٹی ہیچ بیکس کی بڑھتی ہوئی طلب، بالخصوص جنوب مشرقی ایشیائی اقوام کی تنظیم (آسیان) میں، کو مدنظر رکھتے ہوئے ہونڈا R&D نے نئی بریو ڈیزائن کی تاکہ ملائیشیا، فلپائنز اور تھائی لینڈ سمیت ان ممالک کی آٹو مارکیٹ میں مقابلہ کرے۔ اس خطے میں چھوٹی گاڑیوں کے صارفین کی بڑی تعداد موجود ہے۔
کیا پاکستان جلد ہونڈا بریو دیکھ پائے گا؟
دوسری جانب ہونڈا پاکستان میں پہلی جنریشن کی بریو متعارف کروانے کا منصوبہ رکھتا تھا، جو پاکستان میں معیشت کی غیر یقینی کیفیت سمیت دیگر عوامل کی بدولت حقیقت کا روپ نہیں دھار سکا۔ مزید یہ کہ امریکی ڈالر کے مقابلے میں پاکستانی روپے کی قدر میں مسلسل کمی نے بھی آٹو میکر کو بریو پیش کرنے کے منصوبوں کو مؤخر کرنے پر مجبور کیا۔
لیکن پاکستان کے صارفین کے لیے سلسلہ ابھی ختم نہیں ہوا۔ ہونڈا مبینہ طور پر پہلی جنریشن کے بجائے نئی دوسری جنریشن کی بریو متعارف کروانے پر غور کر رہا ہے۔ یہ کہا جا رہا ہے کہ یہ 2019ء کی دوسری ششماہی میں متعارف کروائی جائے گی۔ پاکستان کے آٹو سیکٹر میں ہونڈا بریو کا بہت خیرمقدم کیا جائے گا، یہ چھوٹی گاڑیوں کے شعبے میں مقابلے کو سخت کرے گی اور عوام کی ان خواہشات کو پورا کرے گی جو بجٹ سے باہر مہنگی گاڑیوں کے بجائے ملک میں چھوٹی گاڑیاں زیادہ دیکھنا چاہتے ہیں۔
اپنے خیالات نیچے تبصروں میں پیش کیجیے۔ آٹوموبائل انڈسٹری سے متعلقہ تازہ ترین خبروں کے لیے پاک ویلز پر آتے رہیے۔
