حال ہی میں لاہور ہیونڈے آیونِک دیکھی گئی ہے۔
ہیونڈے کی پاکستان آمد کی خبریں آتے ہی ایک طویل بحث کا آغاز ہو گیا کہ ہیونڈے پاکستان میں کون سی گاڑیاں پیش کرے گا۔ سنگِ بنیاد کی تقریب میں ہیونڈے نشاط نے جن گاڑیوں کی رونمائی کی ان میں ہیونڈے ٹکسن،، ہیونڈے H-1 (وین)، ہیونڈے H-100 (پِک اپ) شامل تھیں، تو یہ سمجھا گیا تھا کہ یہ گاڑی پاکستان میں ہیونڈے-نشاط کی جانب سے سب سے پہلے لانچ کی جائیں کی۔
البتہ حال ہی میں لاہور میں ایک ہیونڈے آیونِک کو سڑکوں پر دوڑتے دیکھا گیا ہے، تو ایسا لگتا ہے کہ کمپنی شاید پاکستان میں آیونِک بھی لائے، لیکن اب تک اس بارے میں یقین سے نہیں کہا جا سکتا۔
مندرجہ بالا تصویر اس گاڑی کے پیچھے سے لی گئی ہے، لیکن پھر بھی صاف ظاہر ہے کہ یہ ہیونڈے آیونِک ہے۔ ادارے کا لوگ ٹیپ سے چھپا دیا گیا تھا، جیسا کہ تصویر میں دیکھا جا سکتا ہے۔
ہیونڈے آیونِک دنیا بھر کے مختلف ممالک میں دستیاب ہے جس میں امریکا، کینیڈا، جنوبی کوریا اور ہمارا پڑوسی بھارت شامل ہیں۔ یہ گاڑی تین مختلف آپشنز میں آتی ہے: ہائبرڈ، پلگ-اِن اور الیکٹرک۔
یہ پانچ دروازوں کی کومپیکٹ ہیچ بیک ہے۔ ہائبرڈ ورژن فروری 2016ء میں اپنے آبائی ملک میں جاری کیا گیا، جس کے بعد جولائی 2016ء میں الیکٹرک ماڈل اور 2017ء میں پلگ-اِن ہائبرڈ پیش کیا گیا۔
آیونِک ہائبرڈ اس کار فیملی سے تعلق رکھتی ہے جو آیونِک نیم پلیٹ کے ساتھ آتی ہے۔ بین الاقوامی سطح پر ہیچ بیک 6-اسپیڈ ڈوئل کلچ ٹرانسمیشن کے ساتھ 1.6L نیچرلی ایسپائریٹڈ ایٹکِنسن-سائیکل اِنلائن-4 انجن میں آتی ہے جو 104 hp اور 265 Nm ٹارک پیدا کرتا ہے، ایک ہائبرڈ کی حیثیت سے الیکٹرک موٹر زیادہ hp کا اضافہ کرتا ہے اور دونوں انجن اور الیکٹرک موٹر مل کر 139 hp پیدا کرتے ہیں۔ واضح رہے کہ امریکی EPA آیونِک کو پریس کے 53 MPG (22.5 کلومیٹر فی لیٹر) سے زیادہ 54 MPG (22.9 کلومیٹر فی لیٹر) ریٹ کرتی ہے۔
اب دیگر آپشن کی طرف آتے ہیں، جو گاڑی دیتی ہے اور یہ ہے ہیونڈے الیکٹرک۔ گاڑی کا الیکٹرک موٹر 118 hp اور 291 Nm ٹارک پیدا کرتا ہے۔ یہ نسان لِیف، شیورلے بولٹ EV، فوکس ویگن ای-گالف، کِیا سول EV اور ٹیسلا ماڈل 3 کی براہ راست مقابل ہے۔ واضح رہے کہ آیونِک الیکٹرک ٹھنڈا کرنے کے لیے کوئی انجن نہیں رکھتی، اس لیے سامنے کا اِن ٹیک ضروری نہیں ہے۔ گاڑی 50 kW پر صرف 33 منٹ میں یا فاسٹ چارجنگ اسٹیشن کے ساتھ 100 kW پر 24 منٹ میں 80 فیصد تک چارج ہو سکتی ہے۔
آگے دیکھیں تو آیونِک پلگ-اِن ہائبرڈ بھی ہے۔ یہ آیونِک ہائبرڈ جیسی ہی hp اور ٹارک پیدا کرتی ہے۔ مزید یہ کہ یہ ویسی ہی ڈوئل-کلچ ٹرانسمیشن رکھتی ہے جیسی ہائبرڈ ویریئنٹ میں ہے۔ بین الاقوامی سطح پر یہ گاڑی دو موڈز میں آتی ہے: اسپورٹس یا ایکو۔
جنوبی کوریائی عظیم آٹوموٹِو ادارہ ہیونڈے ہیونڈے نشاط موٹر پرائیوٹ لمیٹڈ (“HNMPL”) کے نام سے پاکستان میں ایک مرتبہ پھر داخل ہوا ہے۔ یہ منصوبہ نشاط گروپ آف کمپنیز اور جاپان کے معروف ترنی ٹریڈنگ اینڈ انوسٹمنٹ ہاؤسز میں سے ایک میسرز سوجٹز اکرپوریشن کے درمیان ایک جوائنٹ وینچر کے طور پر ترتیب دیا جا رہا ہے۔ کئی ملین ڈالرز کے اس منصوبے کی لاگت غیر ملکی ذرائع سے اپنی ایکوئٹی کا بڑ حصہ حاصل کرنے جا رہی ہے۔ جنوبی کوریا کی ہیونڈے موٹر کمپنی منصوبے میں ٹیکنالوجی شراکت دار ہوگی۔
HNMPL ایک گرین فیلڈ سرمایہ کاری ہے، جو فیصل آباد کے M3 انڈسٹریل سٹی میں کاروں اور لائٹ کمرشل گاڑیوں سمیت ہیونڈے برانڈ کی گاڑیوں کے لیے کار اسمبلی پلانٹ لگا رہی ہے۔ پلانٹ سالانہ 30,000 یونٹس کی پیداواری گنجائش حاصل کرے گا۔
ہماری طرف سے اتنا ہی، اس بارے میں اپنے خیالات نیچے تبصروں میں پیش کیجیے۔
