ہیونڈائی ہفتہ 23 فروری 2019ء کو پاکستان میں پہلا ڈجیٹل شوروم لانچ کرنے کے لیے مکمل طور پر تیار ہے۔
واضح رہے کہ ہیونڈائی انگلینڈ، سعودی عرب، جنوبی افریقہ اور روس میں پہلے سے اپنے ڈجیٹل شورومز رکھتا ہے۔ اور اب یہی سہولت پاکستان میں متعارف کروا کر دنیا بھر میں اپنے ڈجیٹل شورومز کے جال کو پھیلا رہا ہے۔
تو یہ ڈجیٹل شوروم ہے کیا؟ یہ بغیر کسی سیلزمین کی موجودگی کے گاڑیاں خریدنے کا ایک جدید طریقہ ہے ڈجیٹل شوروم صارف کو اپنی پسند کی گاڑی مخصوص رنگ، ٹرانسمیشن اور فیول ٹائپ میں دیکھنے کی اجازت دیتا ہے۔
ڈجیٹل شوروم کے لانچ کے ساتھ ساتھ کمپنی ایونٹ میں اپنی دو گاڑیوں کی رونمائی بھی کرے گی – ہیونڈائی سانتا فی اور ہیونڈائی گرینڈ اسٹاریکس۔ سانتا فی ایک SUV ہے، جو جنوبی کوریا سمیت دنیا کے کئی ممالک میں فروخت کی جا رہی ہے۔ سانتا فی عالمی سطح پر کئی ٹرِمز میں دستیاب ہے۔ یہ دیکھنا دلچسپ ہوگا کہ پاکستان میں خریداروں کے لیے یہ گاڑی کن آپشنز کے ساتھ پیش کی جا رہی ہے۔
مزید برآں، گرینڈ اسٹاریکس ایک 12 نشستوں کی کمرشل گاڑی ہے جو کوریا، ملائیشیا، برطانیہ، آسٹریلیا وغیرہ میں فروخت کی جاتی ہے۔ یہ کئی مختلف انجن آپشنز سے لیس ہے کہ جو آٹو اور مینوئل دونوں ٹرانسمیشنز رکھتے ہیں۔
آٹوموٹو دنیا یہ عظیم جنوبی کوریا ادارہ ہیونڈائی-نشاط موٹر پرائیوٹ لمیٹڈ (“HNMPL”) کے نام کے ساتھ ایک مرتبہ پھر پاکستانی مارکیٹ میں داخل ہو چکا ہے۔ HNMPL ایک گرین فیلڈ سرمایہ کاری ہے، جو M3 انڈسٹریل سٹی، فیصل آباد میں ہیونڈائی کے لیے ایک کار اسمبلی پلانٹ تیار کر رہی ہے۔ واضح رہے کہ میاں منشا، بانی و CEO نشاط گروپ نے بھی کہا ہے کہ ابتدائی مرحلے میں 7,000 گاڑیوں کی پیداوار کی جائے گی؛ البتہ پیداواری صلاحیت اگلے پانچ سالوں میں بڑھا کر 30,000 یونٹس تک جائے گی۔
اس ایونٹ کی خصوصی براہِ راست کوریج کے لیے کل 12 بجے دوپہر PakWheels.com، ہمارے یوٹیوب اور فیس بک پیجز پر آئیے گا۔
