انڈس موٹر کمپنی (IMC) کا منافع 10 فیصد کمی کے ساتھ 3.4 ارب روپے ہو گیا ہے۔
پاکستان اسٹاک ایکسچینج (PSX) کو بھیجے گئے نوٹس میں کمپنی نے ظاہر کیا کہ 31 دسمبر 2018ء کو مکمل ہونے والی سہ ماہی کے لیے اس کے منافع کم ہو کر 3.4 ارب روپے رہ گیا ہے جو گزشتہ سال کے اسی عرصے میں 3.7 ارب روپے تھا۔
ٹویوٹا IMC کی آمدنی فی حصص (EPS) بھی کم ہوئی ہے جو اس سہ ماہی (اکتوبر تا دسمبر 2018ء) میں 43.31 روپے تھی اور گزشتہ سال کے اسی عرصے میں یہ 47.53 روپے تھی۔ ایک تجزیہ کار کے مطابق منافع کم گراس مارجنز کی وجہ سے گرا ہے۔ انہوں نے کہا کہ “کمپنی گراس مارجنز پر بڑا دھچکا سہا ہے، جو بہت زیادہ کم ہوئے۔”
سہ ماہی منافع کے علاوہ ششماہی (جولائی تا دسمبر 2018ء) منافع بھی 6.5 فیصد کم ہوکر 7 ارب روپے ہوا ہے جو گزشتہ سال کے اسی عرصے میں 7.4 ارب روپے تھا۔
مزید برآں، اٹلس ہونڈا نے اسی سہ ماہی میں 572 ملین روپے کمائے، جو 51 فیصد کی زبردست کمی ہے۔ دوسری جانب دسمبر 2017ء کو مکمل ہونے والے پچھلے سال کے اسی عرصے میں ادارے نے 1.2 ارب روپے کا منافع کمایا تھا۔ ایک صنعتی ماہر کے مطابق منافع میں کمی پیداواری لاگت میں اضافے اور گراس مارجن منافع میں کمی کی وجہ سے ہوئی۔
مزید برآں، پاکستان اسٹیل آئل کا منافع بھی 31 دسمبر 2018ء کو مکمل ہونے والی رواں مالی سال کی پہلی ششماہی میں 50 فیصد گھٹ کر 4.249 ارب روپے ہوگیا۔ جبکہ گزشتہ سال کے اسی عرصے میں کمپنی نے 8.522 ارب روپے بنائے تھے۔
ہماری طرف سے اتنا ہی، اپنے خیالات نیچے تبصروں میں پیش کیجیے۔
