ایکسائز اینڈ ٹیکنیشن ڈپارٹمنٹ، اسلام آباد نے کہا ہے کہ اب سے اسلام آباد میں رجسٹر کی گئی کاروں کو گاڑیوں کی منتقلی کے لیے بایومیٹرک تصدیقی نظام سے گزرنا ہوگا۔
حال ہی میں جاری کردہ ایک اطلاع نامہ میں اسلام آباد کے ایکسائز اینڈ ٹیکسیشن ڈپارٹمنٹ نے اعلان کیا کہ اوپن لیٹر یا پرانے ٹرانسفر لیٹرز پر گاڑیاں استعمال کرنے والے افراد کو، جنہوں نے اب تک گاڑیاں اپنے نام پر منتقل نہیں کروائیں، قریبی ایکسائز دفتر جاکر گاڑیوں کو اپنے نام پر منتقل کروانی چاہیئیں۔ گاڑی کی منتقلی کی تصدیق بایومیٹرک طریقے سے ہوگی۔
واضح رہے کہ اتھارٹی 15 جولائی 2018ء سے گاڑیوں کی بایومیٹرک منتقلی کی تصدیق کا باضابطہ اجراء کرے گی۔ مزید برآں خریدار اور فروخت کرنے والے دونوں کی گاڑیوں کی بذریعہ بایومیٹرک سسٹم منتقلی کے وقت ایکسائز دفتر میں موجودگی ضروری ہے۔
15 جولائی 2018ء کے بعد پرانے ٹرانسفر لیٹر ناقابل قبول ہوں گے۔
ایکسائز اینڈ ٹیکسیشن ڈپارٹمنٹ، اسلام آباد کے علاوہ پنجاب میں یہی محکمہ اوپن لیٹر پر گاڑیاں چلانے والے افراد کو خبردار کر چکا ہے۔ کسٹمز ڈپارٹمنٹ کے کے ایک عہدیدار نے ذرائع ابلاغ سے گفتگو کرتے ہوئے کہا کہ کمپیوٹرائزڈ ٹرانسفر ڈیڈز جاری کی جائیں گی، جس میں منتقلی کرنے والے اور خریدار کے بارے میں مکمل معلومات شامل ہوں گی۔ مزید برآں، گاڑی اس پر پرنٹ کی جائے گی۔ خریدار اور فروخت کنندہ کو صرف دستخط کرنے اور اپنے انگوٹھوں کے نشانات دینا ہوں گے اور اسے اتھارٹی کے پاس جمع کرانا ہوگا۔ مزید یہ کہ اتھارٹی نے پنجاب میں یکم مئی 2018ء سے خریدار اور فروخت کرنے والے کے لیے لازمی کردیا ہے کہ وہ گاڑی کی نئے مالک کے نام پر منتقلی کے لیے ایکسائز دفتر آئیں۔
ہماری طرف سے اتنا ہی، نیچے تبصروں میں اپنی رائے سے ضرور آگاہ کیجیے۔
