ایک مقامی میڈیا ادارے کے مطابق اسلام آباد کی مقامی حکومت اپنی آمدنی کو بڑھانے کے لیے اسلام آباد میں داخلے اور اخراج کے مقامات پر ٹول پلازوں کو بحال کرنے کے لیے تیار ہے۔
تفصیلات کے مطابق میٹروپولیٹن کارپوریشن آف اسلام آباد (MCI) دارالحکومت میں ایک مرتبہ پھر ٹول پلازے کھولنے کا فیصلہ کرچکی ہے۔ اس سے حاصل ہونے والی آمدنی دیگر شہری کاموں پر صرف ہوگی۔ یہ اہم فیصلہ IMC کے 33ویں اجلاس کے دوران کیا گیا۔
مزید برآں، وفاقی حکومت نے وزراء اور سینیٹرز کو دیا گیا ٹول ٹیکس استثنیٰ بھی ختم کردیا ہے جو اب عوام کی طرح ٹول ٹیکس ادا کریں گے۔ عوام نے اس فیصلے کو سراہا ہے۔
NHA مسافروں کو معلومات تک آسان رسائی فراہم کرنے میں مدد دینے کے لیے ایک iOS ایپ بھی جاری کر رہا ہے، جس میں خاص طور پر علاقائی تفصیلات اور NHA کے جاری اور مکمل منصوبوں کے بارے میں مالیاتی پالیسی، ٹول کے نرخ اور روڈ سیفٹی کی رہنما ہدایات شامل ہوں گی۔ مزید برآں، اتھارٹی موٹرویز اور ہائی ویز دونوں پر ٹول پلازوں اور سروس ایریا پر سہولیات کو اپگریڈ کررہی ہے تاکہ مسافروں کو زیادہ فائدے اور سہولیات ملیں۔
اپنے خیالات نیچے تبصروں میں پیش کیجیے۔
