صحت مند ماحول کو برقرار رکھنے کے لیے اسلام آباد ٹریفک پولیس (ITP) نے ان گاڑیوں کے خلاف گرینڈ آپریشن شروع کردیا ہے کہ جو زہریلا اخراج کرتی ہیں اور ان کے ڈرائیور پریشر ہارنز کا استعمال کرتے ہیں۔ اس مقصد کے لیے ڈسٹرکٹ سپرنٹینڈنٹ آف پولیس (DSPs) کی جانب سے شہر کے چاروں زونز کو احکامات جاری کردیے گئے ہیں۔
اب تمام اہم مقامات پر خصوصی اسکواڈز کھڑے کیے جائیں گے جو دھواں چھوڑنے والی گاڑیوں اور پریشر ہارنز استعمال کرنے والوں کے خلاف سخت قدم اٹھائنے کے ذمہ دار ہوں گے۔ یہ اسکواڈز اپنی رپورٹ SPP پولیس کو روزانہ کی بنیاد پر دیں گے۔ بلاشبہ یہ ایک اچھا قدم ہے البتہ اس طرح کی مہمات صرف تبھی کامیاب ہو سکتی ہیں جب عوام حکام سے تعاون کریں اور قوانین کی پاسداری کریں۔
دھواں چھوڑنے والی گاڑیوں اور پریشر ہارنز رکھنے والی کاروں کے خلاف اقدامات کے علاوہ اسلام آباد ٹریفک پولیس ان موٹر سائیکل سواروں کے خلاف بھی ایکشن لے گی جو موٹر سائیکل پر سفر کے دوران ہیلمٹ استعمال نہیں کرتے۔
پولیس اب تک بغیر ہیلمٹ سفر کرنے والے موٹر سائیکل سواروں کو 96964 ٹکٹ جاریکر چکی ہیں، جبکہ 4532 موٹر سائیکلوں کو ضبط بھی کیا جا چکا ہے۔
ITP نہ صرف بغیر ہیلمٹ سفر کرنے والے موٹر سائیکل سواروں کے خلاف قدم اٹھا رہی ہے بلکہ سیاہ شیشے استعمال کرنے والے ڈرائیورز بھی زد میں ہیں۔
ITP کے ان اقدامات کو آپ کس نظر سے دیکھتے ہیں؟ ہمیں تبصروں میں ضرور آگاہ کیجیے۔
