سٹی ٹریفک پولیس گزشتہ سال حفاظتی مہم کے آغاز سے اب تک موٹر سائیکل سواری کرتے ہوئے ہیلمٹ نہ پہننے والے افراد کو 4,92,745 چالان جاری کر چکی ہے، ایک مقامی میڈیا ادارے نے بتایا۔
تفصیلات کے مطابق بیشتر موٹر سائیکل سواروں کو مال روڈ پر سفر کے دوران ٹکٹ جاری کیے گئے۔ اس کے علاوہ پولیس نے شہر میں دھواں چھوڑنے والی گاڑیوں کے خلاف زبردست کارروائی کی۔ میڈیا سے بات کرتے ہوئے ایک پولیس افسر نے بتایا کہ پوری پولیس فورس عوام کی حفاظت کو یقینی بنانے کے لیے سخت اقدامات اٹھا رہی ہے۔
ایک سوال کا جواب دیتے ہوئے انہوں نے کہا کہ وہ بلا امتیاز کارروائی کر رہے ہیں اور کوئی بھی قانون سے بالاتر نہیں۔
مزید برآں، جمعرات 27 دسمبر 2018ء کو لاہور ہائی کورٹ نے پیٹرول پمپوں کو ہیلمٹ نہ پہننے والے افراد کو پیٹرول فروخت نہ کرنے کا حکم دے دیا ہے۔ عدالت نے زور دیا کہ کوئی بھی پیٹرول پمپ ان قوانین کی پیروی نہیں کرے گا اسے بغیر کسی اضافی نوٹس کے سیل کردیا جائے گا۔
مزید برآں، پاکستان انفارمیشن ٹیکنالوجی بورڈ (PITB) نے پنجاب پولیس اور ٹریفک پولیس پنجاب کے تعاون سے ٹریفک ایکسیڈینٹ مینجمنٹ انفارمیشن سسٹم (TAMIS) جاری کردیا ہے۔ یہ ایک الیکٹرانک پلیٹ فارم ہے جو پنجاب میں ٹریفک پولیس ہیڈکوارٹز کو سڑکوں پر ہونے والے حادثات رپورٹ کرے گا۔ تاکہ اتھارٹی زندگیاں بچانے کے لیے بہتر اور جامع ٹریفک پالیسیاں ترتیب دینے کی خاطر سڑکوں پر حادثات کے پورے ڈیٹا کا جائزہ لے سکے۔
ہماری طرف سے اتنا ہی، اپنے خیالات نیچے تبصروں میں پیش کیجیے۔
