1990کی بات کی جائے تو مٹسوبشی لانسر ملک میں ایک اعلیٰ سیڈان کے طور پر جانی جاتی تھی۔غیر معمولی گاڑیوں کے باوجود،مٹسو بشی کو مختلف وجوہات کی بنا پر پاکستان میں سخت مشکلات کا سامنا کرنا پڑا۔مٹسوبشی کا شمار ابھی تک دنیا بھر میں میعاری گاڑیاں بنانے والوں میں ہوتا ہے اورپرفیکٹ ڈیزائن،لاجواب میعار،کمال روڈ گرِپ کو ہمیشہ مٹسوبشی سے منسوب کیا جاتا ہے۔مٹسوبشی گرینڈ لانسر کا نیاماڈل بھی یہی کہانی بیان کرتا ہے۔
نئی مٹسو بشی گرینڈ لانسراینگولر ایل۔ای۔ڈی لمپس،نئے ڈیزائن کئیے گئے بمپرز اور ایک کمال سپورٹی شیپ میں آتی ہے۔یہ ڈیزائن بہت با رعب ہے اور کہی نہ کہی پاکستانی نئی ہنڈا سوِک سے بھی میل کھاتا ہے۔’سی‘نما رئیر لیمپس اور پریمیم آؤٹ لک اس گاڑی کو انتہائی جاذبِ نظر بتاتی ہے۔یہ گاڑی 18انچ کے الائے رِمز،سن رووف،چھ ائیر بیگز،آٹھ انچ کے ٹچ انفوٹینمنٹ سسٹم بشمو ل نیویگیشن اور ٹی۔وی کے ساتھ آتی ہے۔علاوہ ازیں اس گاڑی میں ڈیوول زون آٹو میٹک کلائیمیٹ کنٹرول اے سی بھی ہے۔اس کی مزید خصوصیات میں بریک اسِسٹ،سٹیبیلٹی کنٹرول،ہِل سٹارٹ اسِسٹ اور رئیر چائلڈ سےِٹ اینکرز شامل ہیں۔
یہ گاڑی تائیوان اور دوسری ساؤتھ ایشین مارکیٹس میں متعارف کروا ئی جا چکی ہے۔ہو سکتا ہے کہ اگلے سال مٹسوبشی گرینڈ لانسر ایک جے۔ایم۔ڈی کار کے طور پر پاکستان کا رخ کرے۔اگر یہ پاکستان آتی ہے تو یہ سیڈان نئی ہنڈا سوِک کو ایک کڑی ٹکر دے سکتی ہے۔
