مارکیٹ میں مقبولیت کا گراف کم ہونے اور نئی ماحولیاتی قوانین کے باعث مٹسوبشی نے فیصلہ کیا ہے کہ وہ اپنی بہترین برانڈز میں سے ایک ایولوشن عرف ایوو کی تیاری بند کر رہا ہے۔ مٹسوبشی کے چیف ایگزیکٹو آفیسر اوسامو ماسوکو نے کہا کہ وہ ایوو برانڈ مستقبل میں کسی سلون ماڈل کا حصہ نہیں ہوگی البتہ مداحوں کے لیے خوش خبری یہ ہے کہ اس براینڈ کے نام کو ختم ہمیشہ لیے ختم نہیں کیا جا رہا۔ پچھلی چند دہائیوں میں SUV گاڑیوں کی مقبولیت دیکھتے ہوئے خیال ظاہر کیا جا رہا ہے کہ مٹسوبشی اسی ایوو برانڈ کے تحت ہائبرڈ خصوصیات کی حامل SUV پیش کرے گا۔
یہ معاملہ صرف مٹسوبشی تک محدود نہیں بلکہ دنیا کے دیگر کار ساز ادارے بھی اب SUV طرز کی گاڑیاں پیش کرنے کی جانب راغب ہیں۔ جاپانی ادار پہلے ہی XR-PHEV II کا تصور پیش کر کے ہائبرڈ SUV بنانے میں دلچسپی ظاہر کرچکا ہے۔ اس وقت مٹسوبشی PHEV (پلگ ان ہائبرڈ ای وی) ٹیکنالوجی کو آؤٹ لینڈر PHEV آف روڈر میں آزما رہا ہے جسے رواں سال پرتگال میں ہونے والی ریلی میں دکھایا جائے گا۔
اس بات کو جھٹلایا نہیں جاسکتا ہے کہ پچھلی دو دہائیوں میں مٹسوبشی نے ایوو برانڈ سے بہت شہرت حاصل کی اور اب ادارے کے لیے اسے یکدم ختم کرنا کسی طور ممکن نہیں۔ باخبر افراد کا کہنا ہے کہ مٹسوبشی آئندہ سال 2016 ہی میں ایوو برانڈ کے ساتھ ASX SUV پیش کر دے گا۔ لیکن یہ تو وقت ہی بتائے گا کہ مٹسوبشی کی یہ حکمت کتنی کار گر ثابت ہوتی ہے۔
