آڈیٹر جنرل آف پاکستان نے ایک رپورٹ میں انکشاف کیا ہے کہ گزشتہ انیس سالوں کے دوران موٹر وے پولیس اور پاکستان نیشنل ہائی وے کی جانب سے جمع کیئے گئے جرمانوں میں دو ارب روپے کی خرد برد کی گئی۔
پارلیمنٹ کوپیش کی جانے والی رپورٹ میں انکشاف کیا گیا ہے کہ این ایچ ایم پیز کے ریکارڈ کے مطابق گزشتہ انیس سالوں میں انیس اعشاریہ سات ارب روپے کے جرمانے کیئے گئے مگر صرف سترہ اعشاریہ اڑسٹھ ارب روپے جمع کروائے گئے،جس سے دو بارب روپے کا فرق سامنے آتا ہے۔
یہ خرابی 1997سے ہی شروع ہو گئی تھی۔مزید،یہ انکشاف بھی ہوا ہے کہ این ایچ ایم پی اس بگڑتی صورتحال سے بخوبی واقف ہے مگر اس نے اس حوالے سے ابھی تک کوئی اقدامات نہیں کیئے۔
رپورٹ میں بتایا گیا ہے کہ:
”آڈِٹ نے انکشاف کیا ہے کہ (این ایچ ایم پی)کی مینجمنٹ نے تاحال کو ئی انکوائری نہیں کی کہ ان سالوں میں اتنی بڑی عوامی رقم آخر گئی کہاں“۔
اسی حوالے سے،آڈیٹرجنرل آف پاکستان نے پارلیمنٹ کمیٹی کو ترغیب کی ہے کہ وہ جلد از جلد انکوائری کرے۔
”آڈِٹ نے کہا ہے کہ این ایچ ایم پی اور این ایچ اے اس معاملے پر موضوں انکوائری کریں اورجرمانے کی رقم میں خرد برد کی وجہ اور اس میں ملوث افرادکا تعین کریں“
ویسے پاکستان موٹر وے پولیس کا شمار ان حکومتی اداروں میں ہوتا ہے جنہیں عوام شفاف، مثبت اور ایماندارتصور کرتے ہیں۔تو اس طرح کے سکینڈل سے اس حکومتی ادارے کی ساکھ اور کارکردگی پر بلا شبہ منفی اثرات مرتب ہو ں گے۔
