دہائیوں کے انتظار کے بعد حکومت سعودی عرب نے بالآخر خواتین کو ڈرائیونگ لائسنس دینے کا آغاز کردیا ہے۔ غیر ملکی میڈیا کے مطابق جنرل ٹریفک ڈائریکٹوریٹ نے 4 جون 2018ء سے انٹرنیشنل لائسنس کی جگہ لینا شروع کردی ہے، جو خواتین کے پاس سعودی لائسنس کے علاوہ ہوتا ہے۔
ابتدائی مرحلے میں دس سعودی خواتین کو لائسنس دیے گئے اور وہ بھی انٹرنیشنل لائسنس کے بدلے میں۔ مزید برآں، توقع ہے کہ ادارے اگلے ہفتے میں خواتین کو 2,000 مزید لائسنس جاری کریں گے۔
حکومت کے مطابق اس نے ملک بھر میں ایسے ایکسچینج مقامات بنائے ہیں جہاں خواتین چھوٹی سی عملی جانچ کے بعد قومی لائسنسن حاصل کر سکتی ہیں۔ محکمہ ٹریفک کے ڈائریکٹر جنرل محمد بسامی نے کہا کہ 24 جون سے مملکت سعودی عرب میں سڑکوں پر عورتوں کو ڈرائیونگ کرنے کی اجازت ہوگی۔ انہوں نے مزید کہا کہ اس ضمن میں تمام تیاریاں کرلی گئی ہیں۔
گزشتہ سال مملکت کے موجودہ بادشاہ نے ایک شاہی فرمان جاری کیا تھا تاکہ سعودی خواتین ڈرائیونگ لائسنس حاصل کریں اور اپنے قانونی سرپرست کی اجازت کے بغیر گاڑیاں چلا سکیں۔
سعودی حکومت کی جانب سے خواتین کو اختیارات دینا ایک طرف، یہاں حکومت پنجاب ویمن اینڈ ویلز منصوبے کے تحت خواتین کو موٹر سائیکلیں چلانے کی تربیت دے رہی ہے۔
ہماری طرف سے اتنا ہی، اس بارے میں اپنے خیالات نیچے تبصروں میں پیش کیجیے۔
