ZXMCO 200cc کے حالیہ آغاز کے بعد پاکستانی مارکیٹ نے 200cc کیٹگری میں ایک اور نیا ویرینٹ دیکھا۔ سپر پاور نے ایک نجی ایونٹ میں 200cc سپورٹس بائیک متعارف کروا دی، جس میں پاکستان سپر لیگ کے مشہور لوگوں نے شرکت کی۔ سپر پاور اور پشاور زلمی نے اکٹھے یہ بائیک متعارف کروائی اور ایسا لانچنگ ایونٹ پاکستان میں کبھی نہیں دیکھا گیا۔ یہ نئی 200cc بائیک ایک طاقتور انجن، الائے وہیل اور ایک سپورٹی سٹائل سے لیس ہے۔ اس بائیک کا شاندار اور جدید ڈیزائن موٹر بائیک کے جوان شوقینوں کو راغب کرنے کے لیے بنایا گیا ہے۔ بائیک کے سامنے سپورٹی ہیڈلائٹس اس کی خوبصورتی میں اضافہ کرتی ہیں اور اسے ایک جارحانہ انداز دیتی ہیں۔ اس بائیک کا اگلا وہیل ڈسک بریک سے بھی لیس ہے۔ امید کی جاتی ہے کہ یہ بائیک 2.5 سے 3 لاکھ روپے تک کی مناسب قیمت میں دستیاب ہوگی تاکہ 200cc کیٹگری میں مزید آپشنز بھی متعارف کروائی جاسکیں۔ نئی سپر پاور 200cc میں موجود خصوصیات کی لسٹ درج زیل ہے۔
بڑے انٹیگریٹڈ سائیڈ کورز
سپلٹ ٹائپ ہینڈل بارز
یوایس بی پورٹس
کثیررخی مفلر
گرمی سے محفوظ لچکدار پائپ
لینز ہیڈ لائٹس کی آپشن
سپورٹی ڈیزائن
الائے وہیلز
