پاک ویلز فیس بک کمیونٹی میں ہمارے دوست جناب عبد الہادی نے ایک دلچسپ اور حیرت انگیز ویڈیو شیئر کی ہے جس میں سوزوکی مہران (Mehran) کو موٹروے پر انتہائی تیز رفتاری سے سفر کرتے ہوئے دیکھا جاسکتا ہے۔ کم از کم مجھے یہ بات تو سمجھ نہیں آئی کہ 3-سلینڈر والے 800cc انجن کی حامل مہران میں اتنی زیادہ رفتار سے دوڑنے کی صلاحیت کس طرح پیدا کی گئی کہ اس نے موٹروے پر رواں دواں دیگر گاڑیوں بشمول ٹویوٹا کرولا اور ہونڈا سِوک کو بھی پیچھے چھوڑ دیا۔
یہ بھی پڑھیں: سوزوکی مہران کے 5 روشن پہلو – جنہیں نظر انداز کرنا ممکن نہیں!
ذیل میں 145 کلومیٹر فی گھنٹہ کی زائد رفتار سے دوڑنے والی سوزوکی مہران کے اس کارنامے کو ملاحظہ فرمائیں اور ہمیں اپنی رائے سے آگاہ کریں کہ اتنی زیادہ رفتار کا حصول کیسے ممکن ہے؟
اس ویڈیو کو پیش کرنے کا ہرگز یہ مطلب نہیں کہ ہم برق رفتاری کی حوصلہ افزائی کر رہے ہیں۔ گاڑی کو محتاط انداز ہی سے چلانا چاہیے اور طویل شاہراہوں پر رفتار بڑھانے سے قبل سیٹ بیلٹس باندھ لینی چاہئیں۔ اس کے علاوہ ٹریفک قوانین پر بھی 100 فیصد عمل کیا جانا لازمی ہے تاکہ آپ اور دیگر افراد کسی بھی قسم کے نقصان سے محفوظ رہیں۔
