لاہور سے اسلام آباد جانے کے لیے M2 موٹروے پر سفر کرنے والے افراد کے لیے اطلاع ہے کہ ٹول ٹیکس بڑھا دیا گیا ہے۔ آٹوموٹو شعبہ پہلے ہی اضافی ٹیکس کی زد میں ہے، اس پر ایسا قدم عوام کے لیے ان شہروں کے درمیان سفر کو اور مشکل بنا دے گا۔ M2 موٹروے پر سفر کرنے والوں کے مطابق یہ نئے ریٹ NHA کی طرف سے کسی نوٹس کے بغیر بڑھائے گئے ہیں۔
نیشنل ہائی وے اتھارٹی (NHA) نے حال ہی میں ٹول ٹیکس کی شرح میں پچھلے ریٹ کے مقابلے میں 10 فیصد یا 62 روپے کا اضافہ کیا تھا۔ کاریں اور جیپیں اب M2 موٹروے پر 750 روپے ادا کریں گی۔ ٹرکوں کے لیے ٹول ٹیکس 298 روپے کے اضافے کے ساتھ 2980 روپے سے بڑھ کر 3278 روپے کردیا گیا ہے۔ 22 ویلر ٹرکوں کے لیے ٹول ٹیکس اب 4213 روپے پر جا پہنچا ہے۔ مسافر بسوں کو اب لاہور سے اسلام آباد جانے کے لیے M2 موٹروے پر 2290 روپے ادا کرنا ہوں گے۔
نیشنل ہائی وے اتھارٹی کے مطابق فیڈرل ورکس آرگنائزیشن (FWO) ہر سال 10 فیصد کے حساب سے ٹول ٹیکس بڑھا سکتا ہے۔ یہ اس معاہدے کی بنیاد پر ہے کہ جس پر دستخط 2014ء میں ہوئے تھے۔ NHA کو ٹول ٹیکس کی شرح میں اضافے کے حوالے سے پبلک نوٹس جاری کرنا چاہیے تاکہ گاڑیاں چلانے والوں کو M2 کے ٹول اسٹیشن تک پہنچنے سے پہلے پتہ ہو۔
مزید خبروں کے لیے پاک ویلز پر آتے رہیے۔ اس بارے میں اپنی رائے نیچے تبصروں میں دیجیے کہ ٹول ٹیکس میں یہ اضافہ جائز ہے یا نہیں۔
