ٹویوٹا وٹز 2003 سے پاکستانی مارکیٹ کی ایک انتہائی مقبول کار ہے۔ وٹز ان پہلی گاڑیوں میں سے ہے جنہیں لوکل مارکیٹ میں درآمد کیا گیا۔ وٹز 1000cc گاڑیوں کی کیٹگری میں ایک بہترین آپشن ہے جو اپنے خریداروں کو کسی بھی طرح سے مطمئن کرنے میں ناکام نہیں رہی۔ وٹز 1.0 کی شاندار کامیابی کے بعد ٹویوٹا نے وٹز کو 1.5L پر اپ گریڈ کیا ہے۔ نئی وٹز اپنے پرانے ماڈل کی وٹز پر غلبہ رکھتی ہے۔ نئی وٹز میں ہائبرڈ خصوصیات ہونے کی وجہ سے ٹویوٹا اس کیٹگری میں مزید ایکوا نہیں بنائے گا۔ اور مختصراً یہ کہ آپ نئی وٹز 1.5 ہائبرڈ کو وٹز 1.0 اور ٹویوٹا ایکوا 1.5 کا امتزاج تصور کر سکتے ہیں جو 4 مختلف پیکجز یعنی ہائبرڈ F2 ،جیویلا 2، U2، اور سپورٹس پیکج میں دستیاب ہے۔ بریل براون اور برونز میٹیلک کلرز کے اضافے کے ساتھ یہ گاڑی 17 مختلف رنگوں میں دستیاب ہو گی۔
میرے زاتی مشاہدے کے مطابق، وٹز کے پرانے ماڈل 1.0 کو سیل میں کمی کا سامنا کرنا پڑا کیونکہ یہ ایک حقیقت ہے کہ تھوڑے سے زیادہ بجٹ کے ساتھ اس وقت ہائبرڈ خصوصیات کی حامل ٹویوٹا ایکوا خریدی جاسکتی تھی۔ مزید یہ کہ 1000cc کی کیٹگری میں ٹویوٹا پیسو وٹز 1.0 کے مقابلے میں ایک قابل غور آپشن ہے۔ اب یہ وٹز 1.5L کا بالکل نیا ماڈل اپنے ڈیزائن اور شاندار طاقت کی حامل الیکٹرک موٹر کے ساتھ مل کر ایک غالب تاثر پیدا کرتا ہے۔ گاڑی کے سامنے کا حصہ وٹز کے پرانے ماڈل کی نسبت تھوڑا اپ گریڈ ہے جبکہ پچھلی لائٹس کو ہونڈا ویزل کی طرز پر ری ڈیزائن کیا گیا ہے اور یہ دعوی کہ گاڑی کی فیول مائیلیج 34.4 کلومیٹر فی لیٹر ہے اس گاڑی کو اتنا قابل بناتی ہے کہ ایک بار پھر سے مارکیٹ کو صحیح طور پر ہٹ کرے۔
نئی وٹز 1.5 ہائبرڈ چند ماہ پہلے 2016 میں لوکل مارکیٹ میں آئی۔ اگر اس گاڑی کی بناوٹ اور خصوصیات کو مد نظر رکھا جائے تو امید کی جاسکتی ہے کہ یہ صارفین کی توجہ حاصل کرلے گی۔
جہاں تک قیمت کا تعلق ہے، نئی وٹز 1.5 ہائبرڈ 1.8 ملین روپے میں دستیاب ہے۔ یہ دیکھنا ابھی باقی ہے کہ کیا نئی وٹز 1.5 ہائبرڈ کارکردگی کی بنیاد پر ہونڈا کا مقابلہ کرتے ہوئے اپنے صارفین کو مطمئن کر سکتی ہے یا نہیں۔
