یونائیٹڈ براوو –800cc کی ہیچ بیک جس کا پاکستان میں سب سے زیادہ انتظار کیا گیا تھا، ستمبر 2018ء میں لانچ کی گئی تھی۔ یونائیٹڈ بروو مقامی سطح پر یونائیٹڈ موٹرز کے ایک چینی آٹومیکر کے ساتھ تعاون سے بنائی گئی ہے۔
لانچ سے لے کر مقامی مارکیٹ میں آمد تک، عوام نے اس گاڑی کا شدت سے انتظار کیا تھا۔ ہیچ بیک کی قیمت 895,000 روپے ہے۔ واضح رہے کہ اجراء سے قبل کمپنی کے ایک عہدیدار نے PakWheels.com کو بتایا تھا کہ گاڑی ان خصوصیات کے ساتھ آئے گی، جو مقامی سطح پر کسی ہیچ بیک میں تو کُجا کسی سیڈان تک میں نہیں ہیں۔
اس کی خصوصیات میں سے ایک ریئر پارکنگ کیمرا ہے، جو مقامی سطح پر بننے والی ہیچ بیکس جیسا کہ مہران، ویگن آر یا کلٹس میں تو نہیں ہے؛ بلکہ مقامی طور پر تیار کی جانے والی سیڈانز جیسا کہ ہونڈا سٹی، ٹویوٹا کرولا Xli میں بھی یہ آپشن نہیں ہوتا۔
مزید برآں، یہ گاڑی (تمام چاروں دروازوں میں) پاور ونڈوز کی حامل ہے اور مہران سے تقابل کیا جائے تو سب جانتے ہیں کہ ہمیں اس میں کھڑکیاں ہاتھوں سے بند کرنا پڑتی ہیں۔ 1000cc ویگن آر VXR تک پاور ونڈوز سے لیس نہیں ہے اور دوسرے ویریئنٹ VXL میں پاور ونڈوز کا آپشن صرف اگلے دروازوں میں ہے۔
براوو 800cc اِنلائن-3سلینڈر EFI انجن سے لیس ہے جو 5,500 rpm پر 40 hp اور 3,500 rpm پر 60 nm ٹارک پیدا کرتا ہے۔ آٹومیٹک ویریئنٹ جلد جاری کیا جائے گا۔
براوو کے بارے میں ایک وڈیو ذیل میں دیکھیں:
PakWheels.com کے بلاک سیکشن میں یا یونائیٹڈ براوو کے ریویو کے لیے یوٹیوب چینل میں آتے رہیے۔
