رواں سال کا ستمبر گاڑیوں کے شوقین افراد کے لیے زبردست ثابت ہوا ہے، کیونکہ آٹوموٹر مارکیٹ نے چار نئی گاڑیوں کے ساتھ مزید آپشنز پیش کیے ہیں۔
یہ ہیں چار نئے اضافے ان کی خصوصیات اور قیمت:
ٹویوٹا رش 2018ء
ٹویوٹا انڈس موٹر کمپنی نے ستمبر 2018ء میں رش 2018ء کا اجراء کیا جو 1500cc انجن گنجائش رکھنے والی ایک منی-SUV ہے جو 103 hp اور 136 Nm ٹارک پیدا کرتا ہے۔ مزید برآں، گاڑی ایک الیکٹرانکلی پاورڈ اسٹیئرنگ، اسٹارٹ/اسٹاپ بٹن، اسمارٹ انٹری، ٹچ اسکرین ملٹی میڈیا، ڈجیٹل کلائمٹ کنٹرول وغیرہ رکھے گی۔
ادارے نے تین ویریئنٹس جاری کیے ہیں، جن کی قیمتیں کچھ یوں ہیں:
ٹویوٹا رش S A/T – 41,50,000 روپے
ٹویوٹا رش G A/T – 37,65,000 روپے
ٹویوٹا رش G M/T – 36,60,000 روپے
ماسٹر موٹرز نے چنگن موٹرز کے تعاون سے دو نئی گاڑیاں لانچ کردی ہیں، جن میں سے ایک MPV کاروان ہے۔ یہ 1000cc انجن رکھتی ہے، جو 5-اسپیڈ مینوئل ٹرانسمیشن کے ساتھ 6000 rpm پر 68 hp اور 4800 rpm پر 92 Nm ٹارک پیدا کرتا ہے۔ ادارے نے گاڑی کی قیمت 9,99,000 روپے رکھی ہے۔
یونائیٹڈ آٹوز کی جانب سے متعارف کردہ براوو ایک 800cc کمپلیٹلی بلٹ یونٹ (CBU) ہے جس کی قیمت 8,50,000 روپے ہے۔ یہ ادارے کی متعارف کردہ پہلی مسافر کار ہے۔ براوو 3-سلینڈر واٹر کولڈ انجن رکھتی ہے جو 4-اسپیڈ مینوئل ٹرانسمیشن کا حامل ہے جو 40 bhp اور 60 nm ٹارک پیدا کرتا ہے۔
ماسٹر موٹرز اور چنگن آٹوموبائلز کے مشترکہ منصوبے کے تحت متعارف کردہ ایک اور گاڑی M-9 ہے۔ یہ ایک 1000cc پک اپ ہے جو 5-اسپیڈ مینوئل ٹرانسمیشن سے لیس ہے اور 6000 rpm پر 68 hp اور 4800 rpm پر 92 Nm ٹارک پیدا کرتا ہے۔ M-9 کی قیمت 9,19,000 روپے ہے۔
سال کے اعتبار سے 2018ء آٹو انڈسٹری کے لیے ایک غیر معمولی سال رہا کیونکہ نئے اور موجودہ آٹومیکرز کی جانب سے کئی نئی گاڑیاں پیش کی گئیں۔ ذرائع کے مطابق ٹویوٹا ملک میں بیزا اور ویوس متعارف کروانے کی منصوبہ بندی کر رہا ہے۔
تازہ ترین خبروں کے لیے ہمارے بلاگ پر آتے رہیے۔
