ویڈیو – دیوان موٹرز نے کِیا شہ زور لانچ کر دیا – فیچرز و دیگر خصوصیات

دیوان فاروق موٹرز نے آج کراچی میں اپنی کمرشل گاڑی کِیا شہزور لانچ کر دی ہے۔ گاڑی کی رونمائی کراچی میں کمپنی کے اعلیٰ حکام کی موجودگی میں ایک تقریب کے دوران کی گئی۔ خیال رہے کہ کمپنی نے چند دن قبل شہزور اور ایک چھوٹی الیکٹرک گاڑی (EV) لانچ کرنے کا اعلان کیا تھا۔

کِیا شہرزور

کمپنی کے حکام نے پہلے میڈیا کو بتایا تھا کہ وہ شہزور کے تین ویرینٹس لانچ کرنے جا رہے ہیں جن میں سٹینڈرڈ کیبن، کنگ کیبن اور گرینڈ کیبن (ڈبل کیبن) شامل ہیں۔ اہم بات یہ ہے کہ ڈبل کیبن پہلی بار پاکستان میں متعارف کرایا جا رہا ہے۔

دیوان موٹرز کا یہ پلانٹ 2015 میں اس وقت بند ہو گیا تھا جب کمپنی ہیونڈائی سوناٹا کے نام سے مسافر کاریں اور شہزور کے نام سے کمرشل گاڑیاں اسمبل کر رہی تھی۔ کمپنی پلانٹ کو دوبارہ کھولنے کے لیے کام کر رہی ہے اور 2022 میں دیوان موٹرز نے Kia کارپوریشن کے ساتھ کمرشل گاڑیوں کی اسمبلی اور مینوفیکچرنگ کے لیے ٹیکنیکل لائسنس کے معاہدے (TLA) پر دستخط کیے تھے۔

فیچرز و دیگر خصوصیات

مقامی مارکیٹ میں نئی ​​کمرشل گاڑی کے فیچرز و دیگر خصوصیات ذیل میں دی گئی ہیں۔

گاڑی کا سائز

گاڑی 5095 ملی میٹر لمبی، 1740 ملی میٹر چوڑی اور 1996 ملی میٹر اونچی ہے جبکہ وہیل بیس 2415 ملی میٹر ہے۔ مزید برآں، گراؤنڈ کلیئرنس 200 ملی میٹر ہے جس کے ڈیک کی چوڑائی 1630 ملی میٹر ہے۔ ڈیک کی لمبائی تین مختلف ویریںٹس میں مختلف ہے، یعنی سٹینڈرڈ میں 3165 ملی میٹر، کنگ میں 2925 ملی میٹر اور گرینڈ کیبن میں 2215 ملی میٹر ہے۔

انجن اور کارکردگی

کار میں یورو 2 نیچرلی ایسپائریٹڈ 2665 سی سی انجن دیا گیا ہے جو 79 ہارس پاور اور 164 نیوٹن میٹر ٹارک پیدا کرتا ہے۔ انجن میں 6 سپیڈ مینوئل ٹرانسمیشن دی گئی ہے۔

ایکسٹیرئیر

گاڑی میں ہائیڈرولک سروس بریک ہے جبکہ فرنٹ پر وینٹیلیٹڈ ڈِسک اور رئیر پروفائل میں ڈرم ڈسک بریک دیکھنے کو ملتی ہے۔ دریں اثنا، گاڑی میں سادہ ہیلوجن ہیڈ لیمپ اور انڈیکیٹر، ایک بلیک ٹاپ گرِل بھی نظر آتی ہے۔

انٹیرئیر

گاڑی میں راک اینڈ پنین پاور سٹیئرنگ،AM/FM  ریڈیو، ایک ایش ٹرے، کیبن لائٹ، دروازے کا آرم ریسٹ، ڈور ٹرِم، ایک ہیٹر، روف ٹرِم، فیبرک سیٹ میٹریل، فیبرک سٹیئرنگ میٹریل، ایک 3 سپوک TPU سنوائزر ہے۔ اس کے علاوہ یہاں ایک ٹرپ میٹر اور ایک بِلٹ ان ونڈ سکرین وائپر بھی دیا گیا ہے۔