ہںڈا بائکس کی قیمتوں میں اضافے کے بعد یاماہا نے بھی اپنی بائکس کی قیمتوں میں بڑا اضافہ کیا ہے۔ یاماہا نے رواں سال اپنی قیمتوں میں یہ چوتھی بار اضافہ کیا ہے۔ یہاں سب سے زیادہ اضافہ 26500 روپے کا ہے۔ اس سے قبل رواں ماہ 2 جون کو بھی بائکس کی قیمتوں میں اضادفہ کیا گیا تھا۔
یاماہا بائکس کی نئی قیمت
یاماہا YB125Z (سرخ/سیاہ) کی قیمت میں 23000 روپے کا اضافہ کیا گیا ہے۔ جس کے بعد بائیک کی قیمت 231500 روپے سے بڑھ کر 255000 روپے ہو گئی ہے۔
یاماہا YB125Z-DX کی قیمت 248000 روپے سے بڑھ کر 273500 روپے ہو چکی ہے۔ یعنی بائیک کی قیمت میں 25000 روپے کا اضافہ کیا گیا ہے۔
یاماہا YBR 125 (ریڈ/بلیو/بلیک) کی قیمت میں 25000روپے کا اضافہ کیا گیا ہے۔ جس کے بعد بائیک کی قیمت 255000 روپے سے بڑھ کر 280500 روپے ہو گئی ہے۔
دریں اثنا،YBR125G (سرخ/سیاہ) کی قیمت میں 26500 روپے کا اضافہ کیا گیا ہے۔ جس کے بعد بائیک کی قیمت 265500 روپے سے بڑھ کر 292000 روپے ہو گئی ہے۔
دوسری جانب حال ہی میں لانچ ہونے والی یاماہا YBR125G (میٹ ڈارک گرے) کی قیمت میں 26500 روپے کا اضافہ کیا گیا ہے۔ جس کے بعد بائیک کی قیمت 268500 روپے سے بڑھ کر 295000 روپے ہو گئی ہے۔
قیمتوں میں اضافے کی وجہ؟
کمپنی نے اپنی روایت برقرار رکھتے ہوئے قیمتوں میں اضافے کی کوئی وجہ نہیں بتائی۔ جہاں بڑھتی ہوئی مہنگائی عوام کو شدید متاثر کر رہی ہے وہیں موٹر سائیکل کی قیمتوں میں یکے بعد دیگرے اضافے نے اس “عوامی سواری” کو عوام کی پہنچ سے باہر کر دیا ہے۔
گاڑیوں کی قیمتوں میں تیسرا بار اضافہ دیکھنے کو مل رہا لیکن بائک انڈسٹری اس دوڑ میں آگے چل رہی ہے کیونکہ رواں سال یہ بائکس کی قیمتوں میں چوتھا اضافہ ہے۔
موٹر سائیکل کی قیمتوں میں اضافے کے اس اضافے کے بارے میں آپ کا کیا خیال ہے؟ کیا اس اضافے کے باعث موٹر سائیکل خریدنے کرنے کے لیے آپ کے بجٹ کو متاثر کیا ہے؟ کمنٹس سیکشن میں اپنے خیالات کا اظہار کریں۔
