یاماہا موٹرسائیکل کی بات کی جائے تو یہ پاکستان میں کسی تعارف کا محتاج نہیں ہے۔ اس نے اپنی بہترین پاور اور کارکردگی کے لحاظ سے ہر طرح اپنی صلاحیت کو ثابت کیا ہے۔ آج ہم آپ کیلئے یاماہا ڈیلکس 100 1980 ماڈل کا ریوئیو لے کر آئے ہیں جو آج کل دودھ کے کنٹینرز سے لدا ہی نظر آتا ہے۔
بائک کے اونر نے اپنے بچپن کو یاد کرتے ہوئے بتایا کہ اس کے والد نے اسے خبردار کیا تھا کہ اگر اس نے پڑھائی نہیں کی تو وہ موٹر سائیکل پر دودھ بیچے گا اور دلچسپ بات یہ ہے کہ اب اونر اپنی یاماہا بائک جس کا ماڈل 1980 ہے، پر دودھ بیچتا ہے۔
اس مقصد کے لیے اونر نے یہ موٹر سائیکل پاک ویلز پر پوسٹ کیے گئے اشتہار سے خریدی۔ اگرچہ یہ دیکھنے میں بدترین حالت میں تھا جس میں مختلف تبدیلیاں کر کے اسے بہتر، یعنی چلنے کے قابل بنایا گیا ہے۔
بعد ازاں، اونر کو محسوس ہوا کہ اس کے انجن کے پہلے گیئر میں بھی خرابی ہے، لہذا اسے ٹیون کر کے خرابی کو دور کر دیا گیا ہے۔
مزید برآں، اونر نے ہیڈلائٹس اور انڈیکیٹرز سمیت بائک کے متعدد پرزے تبدیل کیے لیکن اس دوران اونر آفٹر مارکیٹ پارٹس استعمال کیے۔ بعد ازاں، اونر نے بائک کے پینٹ کا کام کروایا جس سے اس کی مجموعی شکل بہتر ہوئی ہے۔ یہاں یوکوہاما کے ٹائرز استعمال کیے گئے ہیں جس سے اس کی لُک مزید بہتر ہوئی ہے۔
اونر نے یہ موٹر سائیکل 3000 میں خریدی تھی اور اس کی موڈیفکیشن پر مجموعی طور پر 65000 خرچ کیے ہیں۔ اب، اونر اس کی دیکھ بھال پر ہر مہینے میں تقریباً 1500 خرچ کرتا ہے، جس کے بعد 20 کلومیٹر فی لیٹر کی فیول ایوریج دیتی ہے۔
اب اونر اپنا 1980 یاماہا ڈیلکس 100 فروخت کرنے میں دلچسپی رکھتا ہے۔ اگر آپ اچھی حالت میں سستی موٹر سائیکل تلاش کر رہے ہیں تو ہماری آفیشل ویب سائٹ وزٹ کریں۔
