اس ماہ کے شروعات میں ہی براق آٹو موبائل پرائیویٹ لمیٹڈ کی جانب سے حیران کن تبدیلی دیکھنے میں آئی۔جو کہ بینالی ٹی۔این۔ٹی 25کی قیمت میں اضافہ تھا۔اس کی قیمت جو کہ پہلے چار لاکھ پچپن ہزار تھی اب اس میں بیس ہزار روپے کا اضافہ کر دیا گیا ہے،جس سے موٹر بائیک کی موجودہ قیمت چار لاکھ پچھتر ہزار روپے تک پہنچ گئی ہے۔جب اس بڑھاوے کی وجہ پوچھی گئی تو کمپنی کے عہدیداران کا کہنا تھا کہ یہ بڑھوتی کسٹم ڈیوٹی میں اضافے کے باعث کی گئی ہے۔
بائیک اور کمپنی سے جڑی معلومات۔
براق آٹو موبائل مقامی مارکیٹ میں 2016کو آئی۔یہ کمپنی براق آٹو موبائل اورچائنہ کی کیانگ جیانگ موٹر کمپنی کی مشترکہ کاوش کا نتیجہ ہے۔
ٹی۔این۔ٹی۔25دوسو پچاس سی سی، سنگل سیلنڈر، فور سٹروک، جیسی خصوصیات کی حامل ہے،لیکوےِڈ کول انجن اسے نو ہزار آر۔پی۔ایم کی ریڈ لائن پر25ہارسز کی طاقت فراہم کرتا ہے بشمول سات ہزار آر۔پی۔ایم پر اکیس اعشاریہ پانچ این۔ایم ٹارک کے۔اس کا زیرو اعشاریہ پچیس لیٹر انجن 6سپیڈ ٹرانسمیشن سے جڑا ہوا ہے۔الیکٹرانک اگنیشن،اگلی اور پچھلی ڈِسک بریکس،ڈیجیٹل انفارمیشن کلسٹرپر منحصر ٹی۔این۔ٹی25جزبہ جنون اور سٹائل دونوں فراہم کرتی ہے۔
