اگر آپ گاڑیوں کے شوقین کسی فرد سے فیصل آباد اور یہاں کی گاڑیوں سے متعلق پوچھیں گے تو فوراً لمبورگنی اوینتادور کا نام لے گا۔ لیکن یہ فیصل آباد کی واحد معروف گاڑی نہیں بلکہ اس سے قبل انتہائی خوبصورت فراری F430 2006 بھی اس شہر میں رہ چکی ہے۔ برطانیہ سے پاکستان درآمد کی جانے والی اس سرخ فراری کا انجن 4300 سی سی V8 ہے جس کی رفتار 490 بریک ہارس پاور ہے۔ جبکہ اوالذکر لمبورگنی LP700-4 میں 6500 سی سی V12 انجن ہے جو 690 بریک ہارس پاور کی برق رفتاری سے گاڑی دوڑا سکتا ہے۔ یہ دونوں گاڑیاں پاک ویلز فیصل آباد آٹو شو 2015 میں دکھائی جائیں گی جو ڈی-گراؤنڈ، فیصل آباد میں 6 دسمبر کو منعقد ہوگا۔
شوق دا کوئی مول نئیں کی عملی تصویر آپ فیصل آباد میں ملاحظہ کرسکتے ہیں سابقہ فیصل آباد میں کئی ایک نایاب اور مہنگی گاڑیاں موجود ہیں جو پاکستان میں شاذ و نادر ہی نظر آتی ہیں۔ اسپورٹس کار کی فہرست میں شامل عالمی شہرت یافتہ گاڑیوں لمبورگنی اور فراری کے علاوہ لیکسز، مرسڈیز، ٹویوٹا لینڈ کروزر، رینج روور اور بی ایم ڈبلیو جیسی پرتعیش گاڑیاں بھی شامل ہیں۔
