ہونڈا سوِک ٹربو 1.5 کے دوبارہ اجراء کی غلط خبریں پھیل گئیں!

0 57

حال ہی میں ہونڈا سوِک ٹربو 1.5 VTEC کے دوبارہ اجراء کی افواہیں سوشل میڈیا پر پاک ویلز فورم پر چھائی ہوئی تھیں۔ البتہ، ہمارے ذرائع کے مطابق، ان خبروں میں کوئی صداقت نہیں اور کمپنی ٹربو 1.5 VTEC ویریئنٹ جاری کرنے کا اب تک کوئی ارادہ نہیں رکھتی۔

قبل ازیں، کمپنی نے engine knocking کے مسئلے کی وجہ سے گاڑی کی پیداوار روک دی تھی۔ اس وقت کمپنی نے ایندھن میں بڑھتے ہوئے مینگنیز مواد کی وجہ سے اس کے خراب ہوتے معیار کا مسئلہ اٹھایا تھا، جو نہ صرف گاڑی کے انجن کے لیے بلکہ انسانی صحت کے لیے بھی نقصان دہ ہے۔ یہ دیکھتے ہوئے کہ درحقیقت ایندھن کے معیار میں کوئی تبدیلی نہیں آئی، آئل انڈسٹری مینگنیز مواد کو کم کرنے گریز کر رہی ہے، اس لیے گاڑی کو دوبارہ لانچ کرنے کی کوئی تُک نہیں بنتی کیونکہ مسئلہ جوں کا توں موجود ہو۔

تاہم تھائی لینڈ میں سوِک کی نئی صورت پیش کیے جانے کے بعد، اور یہ جانتے ہوئے کہ ہونڈا اٹلس تھائی لینڈ اور انڈونیشیا سے کافی متاثر ہوتا ہے، اس کے بہت زیادہ امکانات ہیں کہ سوِک کو اس سال نئی صورت دی جائے۔

مزید برآں، سال 2018ء کے اختتام پر ہونڈا سوِک 2019ء کو ممبئی ایئرپورٹ، بھارت میں دیکھا گیا، جو مینوفیکچرر کے مطابق فروری 2019ء میں لانچ کی جائے گی۔ البتہ پاکستان میں ہونڈا نے تین سال سے کوئی فیس لفٹ تک پیش نہیں کیا، اس لیے اب وقت آ چکا ہے کہ کمپنی پاکستان میں سوِک کو نئی صورت میں پیش کرے۔ واضح رہے کہ ہونڈا اٹلس نے اس حوالے سے کوئی معلومات پیش نہیں کی، لیکن دنیا بھر میں فیس لفٹ ہونا پاکستان میں کسی اچھی خبر کی آمد کا اشارہ بن سکتا ہے۔

گاڑیوں کے اجراء اور ان کی صورت میں بہتری کی تمام خبروں کے لیے PakWheels.com پر آتے رہیے۔

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.