بینٹلی اگلے دس سالوں میں مکمل طور پر الیکٹرک ہو جائے گا

0 3 026

بینٹلی موٹرز نے اعلان کیا ہے کہ کمپنی 2030ء سے مکمل الیکٹرک ہونے کی منصوبہ بندی کر رہی ہے۔ یہ 2026 سے صرف ہائبرڈ اور الیکٹرک گاڑیاں بنائے گی۔ مشہور عالمی ادارہ دو بے نام ہائبرڈ ماڈل متعارف کروائے گا۔ کمپنی نے 2025 میں پہلی فل الیکٹرک کار متعارف کروانے کا عہد کیا ہے۔ کمپنی کا کہنا ہے کہ «ہم اگلے دس سالوں میں مکمل طور پر کاربن نیوٹرل ہونے کا منصوبہ بنا رہے ہیں۔»

بینٹلی کے چیف انجینیئر کہتے ہیں:

ایک تقریب کے دوران بینٹلی کے چیف انجینیئر نے کہا کہ کمپنی کا مستقبل مکمل الیکٹرک ہونے میں ہے۔ انہوں نے کہا کہ «ایک دہائی میں کمپنی ایک 100 سال پرانی لگژری کار کمپنی سے نئی، ماحول دوست اور مکمل طور پر بااُصول رول ماڈل میں تبدیل ہو جائے گی۔»

کمپنی، جو فوکس ویگن کی ملکیت ہے، اُن کئی دوسرے اداروں میں شامل ہے کہ جنہوں نے آل-الیکٹرک مستقبل کا عہد کیا ہے۔ لگژری گاڑیاں بنانے والی کمپنی کا مزید کہنا ہے کہ اس کا منصوبہ بینٹلی کو مالی لحاظ سے لچک دار اور بحران سے محفوظ بنانا ہے۔

یہ بات قابلِ ذکر ہے کہ کمپنی نے کووِڈ -19 کی وجہ سے اس سال کے آغاز میں 800 کارکنوں کو نکالا تھا۔ کمپنی کا کہنا ہے کہ یہ نئی کوششیں 2020 میں «ایک مثبت مالیاتی کارکردگی حاصل  کرنے»  کے لیے رفتار پکڑنے کی ہیں۔

بینٹلی کی لگژری:

بینٹلی ایک بین الاقوامی طور پر مشہور برانڈ ہے جو سپر لگژری اور اسپورٹی گاڑیوں کا ملاپ بناتا ہے، ساتھ ہی موٹر اسپورٹ کے شعبے میں بھی کام کرتا ہے۔ کمپنی ہمیشہ سے ایسی مشینیں بنانے کی شناخت رکھتی ہے جو فیشن ایبل، لگژری اور اسپیڈ کا ملاپ رکھتی ہیں۔ کمپنی نے ہمیشہ دعویٰ کیا ہے کہ وہ ڈرائیونگ کا بہترین لطف دینے پر کوئی سودے بازی نہیں کرتی۔

پچھلے کچھ سالوں میں کئی بڑے گلوبل کار آٹومیکرز نے کاربن اثرات کو کم کرنے کے لیے الیکٹرک کی طرف جانے کا وعدہ کیا ہے۔ ٹیسلا کی گاڑیوں کی زبردست کامیابی سے الیکٹرک اور ہائبرڈ گاڑیوں کی کامیابی بھی ظاہر ہوتی ہے، کہ جس نے پچھلے چند مہینوں میں ریکارڈ سیلز کی ہیں۔

مزید ویوز، ریویوز اور نیوز کے لیے پاک ویلز پر آتے رہیں۔

 

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.