الیکٹرک مسٹینگ SUV کے ساتھ فورڈ بھی ٹیسلا کے مقابلے پر آگیا

0 404

مسٹینگ ماکھ-ای کے ساتھ فورڈ نے الیٹرک گاڑیوں کے شعبے میں تہلکہ مچادیا ہے۔ یہ مکمل الیکٹرک SUV ہے جو روایتی خصوصیات کے ساتھ 2020 کے آخر میں پیش کی جائے گی۔ یہ کمپنی کی جانب سے پیش کی جانے والی پہلی بڑی الیکٹرک گاڑیوں میں سے ایک ہے جسے مسٹینگ کے نام سے متعارف کروایا جا رہا ہے۔

اسے فورڈ کی جانب سے بڑا قدم کہا جائے تو غلط نہ ہوگا۔ ایک بالکل نئے طرز کی گاڑی لانا اور وہ بھی اس نام سے کہ جو پہلے ہی مارکیٹ میں زبردست ساکھ رکھتا ہے۔ اگر فورڈ اس کے سوا کسی اور برینڈ نیم یا نئے نام سے یہی گاڑی پیش کرتا تو یقین جانیے کہ لوگ اتنے زیادہ کبھی متوجہ نہیں ہوتے۔

مسٹینگ ماکھ-ای کا ظاہری انداز پہلے زیادہ سے بہتر نظر آتا ہے خاص کر اس کا اگلا حصہ پچھلی مرتبہ دکھائے جانے والی گاڑی سے تو بہت بہتر ہے۔ اسے مخصوص گرل لگانے کے بجائے فورڈ نے مسٹینگ ماکھ-ای کو SUV کی طرز پر ہی ڈیزائن کیا ہے۔ ہم دیگر الیکٹرک گاڑیوں میں بھی یہ انداز دیکھ چکے ہیں جو اب بہت عام ہوچکا ہے۔ اس کی عام وجہ تو یہ ہے کہ اس کے باعث کم ائیر کولنگ درکار ہوتی ہے اور یہی وجہ ہے کہ اسے دیگر بھی اپنا رہے ہیں۔ تاہم اسے اب تک کی سب سے پرکشش الیکٹرک کار کہا جائے تو غلط نہ ہوگا۔

مسٹینگ کے روایتی انداز، ٹرائی-بار ہیڈلائٹس اور ٹیل لائیٹس کو ایک طرف رکھ دیں تو مجموعی طور پر فورڈ نے اس SUV کو کافی سادہ انداز دیا ہے جو بنیادی طور پر اس کی براہ راست مقابل مرسڈیز-بینز EQC، جیگوار I-پیس (خاص کر پچھلے حصہ) ہی کی طرز کا کہا جاسکتا ہے البتہ یہاں بی ایم ڈبلیو SUV کی کچھ کچھ شبیہ نظر آتی ہے۔ اس کے باوجود اس میں کوئی شک نہیں کہ ماکھ-ای جیسی چیز اس سے قبل فورڈ کی طرف سے نہیں پیش کی گئی۔

فورڈ کی نئی مسٹینگ ماکھ-ای کے اندر جھانکیں تو یہاں زبردست ہیڈروم اور لیگ روم نظر آئے گا۔ باہر سے یہ پورشے کیان کے برابر لگتی ہے۔ یہاں ایک بات نمایاں ہیں کہ فورڈ نے ماکھ-ای میں ڈور ہینڈلز نہ دے کر لوگوں میں دلچسپ کیفیت پیدا کردی ہے۔ اس میں ہینڈلز کی جگہ بٹن دیے گئے ہیں۔ اس کے سوا اور کوئی چیز ایسی نہیں جو فورڈ کے شایان شان نہیں کہی جاسکتی البتہ بیٹری چارجنگ کی اسپیڈ سے متعلق ابھی تفصیلات آنا باقی ہیں۔

ٹیکنالوجی کی بات کریں تو اس میں USB-C پورڈ اور ریموٹ چارجنگ میٹ کے ساتھ بڑی سی اسکرین بھی موجود ہے۔ گو کہ ایسی ہی اسکرین ٹیسلا ماڈل 3 میں شامل ہے مگر یہاں فورڈ نے اسکرین کا سائز کافی بڑا رکھا ہے۔ اس کی دیگر خصوصیات کے علاوہ جس بات نے شائقین کو زیادہ متوجہ کیا وہ اس کی مجموعی پیشکش ہے۔ ابھی دو سال کا عرصہ باقی ہے کہ جب فورڈ اسے باضابطہ طور پر خریداروں کے لیے پیش کرے گا، لیکن یہ گاڑی اس وقت بھی اپنے طور پر ایک مکمل پیکیج ہے۔ اسی سے ظاہر ہوتا ہے کہ ’’ٹیم ایڈیسن‘‘ نے اس پر کتنی محنت کی ہے اور آخر کیوں نہ کرتے، وہ 2017 سے ماکھ-ای کی تیاری میں مصروف رہے ہیں۔

(Image Credits: The Verge)

اب ہوجائے قیمت کی بات۔ تو جناب فورڈ مسٹینگ ماکھ-ای کی متوقع قیمت 44 ہزار سے 60 ہزار ڈالر کے لگ بھگ ہے۔

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.