ہونڈا اٹلس لایا ہے اپنے صارفین کے لیے زبردست آفرز

23 833

اپنی گھٹتی ہوئی فروخت میں اضافے کے لیے ہونڈا اٹلس کارز پاکستان لمیٹڈ (HACPL) نے ملک بھر کے صارفین کے لیے اپنی کاروں پر نئی آفرز پیش کی ہیں کہ جن کا فائدہ اپریل 2020ء تک اٹھایا جا سکتا ہے۔

تفصیلات کے مطابق جاپانی ادارے ہونڈا اٹلس کو، ملک میں دیگر آٹومیکرز کی طرح، مالی سال ‏2019-20ء‎ کے آغاز سے فروخت میں زبردست کمی کا سامنا ہے۔ بلکہ اس کی گاڑیوں کی فروخت تو مقامی مارکیٹ میں کسی بھی دوسرے ادارے سے زیادہ تیزی سے کم ہوئی ہے۔ اس لیے کمپنی اپنی فروخت میں اضافہ چاہتی ہے اور اس کے لیے اپنی گاڑیوں پر زبردست بچت آفرز دے رہی ہے جن میں ہونڈا سٹی، سوِک اور BR-V شامل ہیں۔ ان آفرز میں  یہ پیکیجز شامل ہیں: 

  • ایک سال کی مفت مرمت کا پیکیج (ہونڈا سوِک RS ٹربو) 
  • مفت نیوی گیشن سسٹم (ہونڈا سوِک VTEC ٹربو اوریل) 
  • مفت رجسٹریشن (ہونڈا سٹی، سوائے 1.3-لیٹر MT ویرینٹ کے) 
  • مفت رجسٹریشن (BR-V کے تمام ویرینٹس) 

واضح رہے کہ یہ ساری ڈیلز 31 مارچ 2020ء تک مؤثر ہیں اور پاکستان بھر میں ہونڈا اٹلس کی کسی بھی 3S مجاز ڈیلرشپ سے حاصل کی جا سکتی ہیں۔ ہونڈا سٹی اور BR-V کی مفت رجسٹریشن کا مطلب ہے کہ صارفین بالترتیب 50,000 سے 70,000 روپے بچا سکتے ہیں۔ یوں ہونڈا اٹلس مارچ 2020ء میں اپنے صارفین کو کچھ ریلیف دے رہا ہے۔ کمپنی ماضی میں بھی اپنی فروخت کو بڑھانے کے لیے ایسی اسکیمیں لاتی رہی ہے۔ یہاں یہ امر قابلِ ذکر ہے کہ آٹومیکر نے مالی سال ‏2019-20ء‎ کے ابتدائی چھ مہینوں میں 100 سے زیادہ غیر پیداواری ایّام (NPDs) کا سامنا کیا۔ اس کی وجہ ملک بھر میں کمپنی کی نہ فروخت ہونے والی گاڑیوں کے ذخائر کا جمع ہو جانا تھا۔ البتہ سال کے آغاز سے ہونڈا نے کسی NPD کا سامنا نہیں اور وہ زوال کے دور کے خاتمے کا ہدف رکھتا ہے جس کا اسے عرصے سے سامنا ہے۔ دیکھتے ہیں کمپنی کی یہ کوشش کس حد تک بارآور ثابت ہوتی ہیں۔

اپنے خیالات نیچے تبصروں میں پیش کیجیے اور آٹوموبائل انڈسٹری کی مزید خبروں کے لیے پاک ویلز پر آتے رہیے۔ 

Google App Store App Store
تبصرے