ہونڈا اٹلس نے ڈاکٹروں کے لیے ایک اسپیشل آفر دے دی

18 636

ہونڈا اٹلس کارز پاکستان نے  COVID-19 کے خلاف فرنٹ لائن کے ہیروز یعنی ڈاکٹروں کے لیے ایک اسپیشل آفر دی ہے۔ ایک بیان میں کمپنی نے کہا ہے کہ ڈاکٹروں کو ہونڈا سوِک، BR-V اور سٹی کے تمام ویرینٹس کی خریداری پر 250 لیٹر فیول مفت دیا جائے گا۔

کمپنی کا کہنا ہے کہ یہ آفر پہلے آئیے، پہلے پائیے کی بنیاد پر پہلی 100 بکنگز پر دی جائے گی۔ کمپنی کا کہنا ہے کہ «شرائط و ضوابط لاگو ہوں گے۔»

Honda Atlas Pakistan

19 کی وباء:

یہ آفر ایک ایسے وقت میں آئی ہے جب ملک اس مہلک وباء کے خلاف جنگ لڑ رہا ہے۔ سرکاری اعداد و شمار کے مطابق پاکستان نے اب تک 2,13,470 کیس ریکارڈ کیے ہیں۔ ڈیٹا کے مطابق 4,395 مریض جان سے گئے جبکہ 1,00,802 لوگ اس وائرس سے صحت یاب ہوئے۔

‏PAMA کی رپورٹ:

پاکستان کی آٹوموبائل انڈسٹری وبائی صورت حال کی وجہ سے بری طرح متاثر ہوئی ہے۔ دوسرے مینوفیکچررز کے علاوہ ہونڈا اٹلس نے بھی ملک بھر میں لاک ڈاؤن کی وجہ سے اپریل کے صفر سیلز ریکارڈ کیں۔ پاکستان آٹوموٹو مینوفیکچررز ایسوسی ایشن (PAMA) کے مطابق ہونڈا نے مئی 2020 میں 263 سوِک اور سٹی کاریں فروخت کیں جبکہ مئی 2019 میں 2,564 یونٹس بیچے گئے تھے۔

رپورٹ مزید بتاتی ہے کہ ہونڈا سٹی اور سوِک کی فروخت پچھلے سال کے اسی عرصے میں 2,564 سے 90 فیصد کم ہوتی ہوئی 263 یونٹس تک پہنچی ہے۔

قیمتوں میں اضافہ:

یہ بات قابلِ ذکر ہے کہ مئی 2020 میں فوریکس میں اضافے اور اس کے CKD اور دوسرے پارٹس پر اثرات کی وجہ سے ہونڈا اٹلس نے اپنی کاروں کی قیمتوں میں بھی اضافہ کیا۔ جاپانی آٹومیکر نے قیمتوں میں 1,20,000 روپے تک کا اضافہ کیا۔ ایک نوٹیفکیشن میں کمپنی نے کہا کہ نئی قیمتیں موجودہ فوریکس ریٹ پر منحصر ہیں اور ان میں کوئی بھی اضافہ قیمتوں کو مزید بڑھانے کا باعث بن سکتا ہے۔

لوکل کار مینوفیکچررز کو جون کے مہینے میں سیلز میں اضافے کی امید ہے کیونکہ حکومت نے کروناوائرس کی وجہ سے لگائی گئی پابندیاں نرم کر دی ہیں۔ ایک مختصر شٹ ڈاؤن کے بعد کمپنیوں نے وفاقی حکومت کیSOPsپر عملدرآمد کرتے ہوئے اپنے پروڈکشن پلانٹ کھول دیے ہیں۔

ہمیں امید ہے کہ جلد ہی سیلز اور پروڈکشن دونوں کے لحاظ سے آٹو انڈسٹری ایک مرتبہ پھر آگے بڑھے گی۔

لوکل اور  انٹرنیشنل آٹو انڈسٹری کے حوالے سے مزید آرٹیکلز، خبروں، ریویوز اور اپڈیٹس کے لیے PakWheels.com پر آتے رہیں۔

 

Google App Store App Store
تبصرے