ہیونڈائی سینٹرو 2005: بجٹ کار کا ریویو مالک کی نظر سے

0 8 438

پاک ویلز ہیونڈائی سینٹرو 2005 ماڈل کا خود اس کے ایک مالک کی نظر سے ریویو لایا ہے، جو ہماری بجٹ سیریز ‏analysis  کا بھی حصہ ہے۔ ہیونڈائی نے یہ کار پاکستان میں سوزوکی مہران کی اجارہ داری توڑنے کے لیے لانچ کی تھی؛ یہ ماڈل 2009 تک آتا رہا یہاں تک کہ ہیونڈائی نے پاکستان کو خیر باد کہہ دیا۔

پاکستان میں دوبارہ آمد کے بعد کسٹمرز یہ سوال کرتے ہیں کہ کیا ہیونڈائی پاکستان میں سینٹرو ریلیز کرے گا یا نہیں۔ کمپنی کی جانب سے اس حوالے سے کوئی آفیشل کنفرمیشن نہیں دی گئی۔

تو فوراً چلتے ہیں اس بجٹ ریویو کی جانب۔

قیمت اور خرید:

مالک کا کہنا ہے کہ یہ ایک 2005 ماڈل کلب ویرینٹ اور 1000cc انجن کے ساتھ ہے۔ کمپنی نے پاکستان میں تین ویرینٹس کلب، ایگزیکٹو اور GV لانچ کیے تھے۔ کلب اور GV دونوں میں کمپنی نے CNG کٹس انسٹال کر رکھی تھیں۔ مالک نے ہمیں بتایا کہ انہوں نے یہ کاری 2016 میں 4,70,000 روپے کی خریدی تھیں۔ ان کا کہنا تھا کہ»شروع سے ہی مجھے سینٹرو میں دلچسپی تھی، خاص طور پر اس کے Exclusive ویرینٹ میں، لیکن اس وقت مجھے اچھی کنڈیشن میں کوئی آپشن نظر نہیں آیا؛ اس لیے میں نے کلب ویرینٹ خرید لیا۔»

Hyundai Santro 2005

فیول ایوریج:

مالک نے ہمیں بتایا کہ شہر کے اندر اس کا فیول ایوریج 7 سے 8 کلومیٹرز فی لیٹر ہے، جبکہ لمبے روٹ پر یہ تقریباً 11 کلومیٹرز کا مائلیج دیتی ہے۔

فیچرز جو موجود نہیں:

مالک کے مطابق ایسا کوئی خاص فیچر نہیں ہے جو اس میں موجود نہ ہو؛ لیکن وہ ایگزیکٹو اس لیے لینا چاہتے تھے کیونکہ وہ پاور ونڈوز اور پاور اسٹیئرنگ کے ساتھ ایک بہتر چوائس تھی۔

اس کے علاوہ کار میں ایئربیگز یا ABS نہیں ہے۔

Hyundai Santro 2005

سسپنشن:

کار کے سسپنشن کے حوالے سے بات کرتے ہوئے مالک نے بتایا کہ اس کار کا سسپنشن ذرا سخت ہے کیونکہ یہ پرانا ماڈل ہے۔

پارٹس کی دستیابی:

کیونکہ یہ کار پاکستان میں 2009 میں بند کر دی گئی تھی، اس لیے پارٹس کی دستیابی ایک بڑا مسئلہ ہے۔ البتہ مالک کا کہنا ہے کہ سارے پارٹس مل جاتے ہیں۔ «مجھے گیئر سوئچ میں مسئلے کا سامنا تھا لیکن وہ آسانی سے مل گیا کیونکہ تمام پارٹس پاک ویلز آٹو اسٹور پر مل جاتے ہیں۔ ان کا مزید کہنا تھا کہ انہیں اس حوالے سے کبھی کسی مسئلے کا سامنا نہیں کرنا پڑا۔

روڈ کلیئرنس:

مالک نے پاک ویلز کو بتایا کہ اس کار کی روڈ کلیئرنس مقامی روڈز کے لیے بہترین ہے، جو اس کار کا ایک بڑا پلس پوائنٹ ہے۔

بیٹھنے کی گنجائش:

ایک چھوٹی گاڑی ہونے کے باوجود اس کار میں بیٹھنے کی کافی گنجائش ہے، بلکہ مہران سے کہیں بہتر ہے۔

Hyundai Santro 2005

ڈِگی کی گنجائش:

اس کار کی ڈگی میں گنجائش ذرا کم ہے کیونکہ اضافی ٹائر ڈِگی میں کافی جگہ لے لیتا ہے۔ مالک کے مطابق یہی کمی اس کار کو فیملی کے ساتھ لمبے سفر کے لیے نامناسب بناتی ہے۔ مالک نے کہا کہ «اگر آپ کمپنی سے لگی ہوئی ‏CNG کٹ کو نکال دیں تو اس میں کافی گنجائش ہو سکتی ہے۔»

AC کی پرفارمنس:

مالک کار کے ‏AC کی پرفارمنس کے حوالے سے مطمئن ہیں، ان کا کہنا ہے کہ انہیں کبھی بھی کولنگ کے حوالے سے پریشانی کا سامنا نہیں کرنا پڑا۔ انہوں نے کہا کہ «اس کی پرفارمنس بہت زیادہ درجہ حرارت ہونے پر ذرا متاثر ہوتی ہے، لیکن پھر بھی یہ سوزوکی مہران کے مقابلے میں کہیں بہتر ہے۔»

آڈیو یونٹ:

مالک نے اپنی کار میں ‏ USB اور FM کنیکٹر کے ساتھ آفٹر-مارکیٹ آڈیو سسٹم لگوایا ہے۔ سینٹرو کے اصل یونٹ میں صرف کیسٹ پلیئر ہوتا ہے۔

Hyundai Santro 2005

آئل سروس:

مالک نے کہا کہ وہ ہر 3,000 سے 3,500 کلومیٹرز کے بعد 3,000 سے 4,000 روپے میں موبل آئل، ایئر فلٹر اور آئل فلٹر تبدیل کرواتے ہیں۔

ری سیل ویلیو:

مالک کے خیال میں یہ کار اب بھی لوکل مارکیٹ میں اچھی ری سیل ویلیو رکھتی ہے۔ «میرے خیال میں میں اب بھی اسے تقریباً ساڑھے 5 لاکھ میں بیچ سکتا ہوں۔»

آخری فیصلہ:

ہیونڈائی سینٹرو نے پچھلی دہائی میں پاکستانی مارکیٹ پر حکمرانی کی ہے اور اب بھی بہت قابلِ بھروسہ اور بجٹ کے اندر ملنے والی کار ہے۔ اس کے اسپیئر پارٹس فوری طور پر مل جاتے ہیں اور اس کی مینٹی نینس بھی بہت سستی ہے۔ اس لیے یہ اب بھی کم بجٹ میں صحیح کار ڈھونڈنے والے افراد کے لیے ایک اچھی گاڑی ہے۔

آپ سیکنڈ ہینڈ سینٹرو پاک ویلز استعمال شدہ کاروں کے سیکشن سے خرید سکتے ہیں۔

وڈیو یہاں دیکھیں:

Recommended For You: Suzuki Margalla-Budget Car Review

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.