پاک سوزوکی آلٹو پر مفت رجسٹریشن پیش کرتے ہوئے

9 292

گھٹتی ہوئی فروخت میں اضافے کے لیے اور اپنے مخلص صارفین کو سراہتے ہوئے پاک سوزوکی نے اپنی سب سے زیادہ فروخت ہونے والی گاڑی 660cc آلٹو پر 31 مارچ 2020ء تک مفت رجسٹریشن پیش کر دی ہے۔ 

تفصیلات کے مطابق مفت رجسٹریشن کی سہولت جون 2019ء میں لانچ ہونے سے لے کر اب تک آلٹو کے 29,000 یونٹس کی فروخت کی خوشی میں دی جا رہی ہے۔ جاپانی ادارہ پاکستان میں آلٹو کی پیداوار شروع کرنے کے بعد صرف 9 مہینوں میں یہ سنگِ میل حاصل کرنے کا جشن منا رہا ہے۔ 

PAMA کے اعداد و شمار کے مطابق کمپنی نے فروری 2020ء تک آلٹو کے کُل 28,757 یونٹس فروخت کیے تھے۔ 

البتہ پچھلا مہینہ کمپنی کی توقعات پر پورا نہیں اترا کیونکہ اس مہینے میں آلٹو کی ماہانہ سب سے کم فروخت ریکارڈ کی گئی یعنی 1620 یونٹس۔ پاک سوزوکی نے ستمبر 2019ء میں سب سے زیادہ فروخت ریکارڈ کی تھی کہ جب اس نے آلٹو کے 4,924 یونٹس فروخت کیے تھے۔ بلاشبہ 2020ء کا آغاز آلٹو کی فروخت کے حوالے سے کمپنی کے حق میں نہیں رہا کیونکہ اسے اپنے دوسرے ماڈلز کی طرح آلٹو کی فروخت میں بھی تیزی سے کمی کا سامنا کرنا پڑا۔ 

اس سے یہ بھی پتہ چلتا ہے کہ پاک سوزوکی مفت رجسٹریشن پیش کرکے آلٹو کی فروخت کو بہتر بنانے کا بھی خواہشمند ہے۔ 

کمپنی پہلے ہی اپنی 1000cc ویگن آر کو مشکل سے نکالنے کے لیے ایسی ہی پروموشن دے رہی ہے۔ اس کے علاوہ آلٹو پر فائنانسنگ کے پیکیجز بھی دیے جا رہے ہیں۔ 

اسی طرح ہونڈا اٹلس بھی سٹی اور BR-V ماڈلز پر مقامی مارکیٹ میں مفت رجسٹریشن پیش کر رہا ہے۔ ٹویوٹا پاکستان نے بھی حال ہی میں کرولا پر کئی پروموشنز دی ہیں۔ البتہ IMC کی توجہ کرولا کے 1.3L ویرینٹس کی نہ فروخت ہونے والی گاڑیوں کو فروخت کرکے مارچ 2020ء کے اختتام تک نئی یارِس کے لیے راہیں ہموار کرنے پر لگی ہوئی ہے۔ 

بہرحال، سوزوکی آلٹو کو کار آف دی ایئر کا ایوارڈ ملا تھا۔ پاک سوزوکی کی اس پیشکش کے حوالے سے اپنی رائے نیچے تبصروں میں پیش کیجیے۔ گاڑیوں کی مزید خبروں کے لیے پاک ویلز بلاگ پر آتے رہیے۔

Google App Store App Store
تبصرے