ٹویوٹا یارِس جی ایل آئی 1.3 سی وی ٹی بمقابلہ سوزوکی سیاز 1.3 آٹو: ایک مختصر تقابل!

12 452

ٹویوٹا انڈس موٹر کمپنی (IMC) ملک میں کرولا کے 1.3 لیٹر ویرینٹس کی جگہ نئی یارِس کو دے رہی ہے۔ کمپنی پہلے ہی ٹویوٹا یارِس کی بکنگ شروع کر چکی ہے جو چھ مختلف ویرینٹس میں دستیاب ہے، چار ویرینٹس 1.3 لیٹر کے اور دو 1.5 لیٹر کے۔ یہ سیڈان مقامی آٹو سیکٹر میں ہونڈا سٹی اور سوزوکی سیاز کا مقابلہ کرے گی۔ ہونڈا سٹی کُل چھ ویرینٹس میں دستیاب ہے جبکہ سوزوکی سیاز مقامی مارکیٹ میں دو ویرینٹس میں آتی ہے۔ 

اس بلاگ میں ہم ٹویوٹا یارِس GLi 1329cc CVT میں کی خصوصیات کا تقابل سوزوکی سیاز 1373cc آٹومیٹک سے کریں گے۔آئیے دیکھتے ہیں! 

انجن اور کارکردگی: 

ٹویوٹا یارِس 4-سلنڈر اِن-لائن 16 والو DOHC مع ڈوئل VVT-I 1329cc 1NR-FE انجن سے لیس ہے جو sequential multi-port fuel injection یعنی SFI سسٹم رکھتا ہے۔ یہ 6000 RPM پر زیادہ سے زیادہ98 hp اور 4200 RPM پر 123 Nm کا زیادہ سے زیادہ ٹارک پیدا کر سکتا ہے۔ یہ 7-اسپیڈ CVT/اسپورٹ شفٹ میٹک سسٹم کے ساتھ لگایا گیا ہے۔ 

دوسری جانب سوزوکی سیاز ملٹی-پوائنٹ انجکشن (MPI) سسٹم کے ساتھ 4-سلنڈر 16-والو 1373cc VVT K14B انجن میں آتی ہے۔ یہ انجن 6000 rpm پر 91 hp کی زیادہ سے زیادہ طاقت اور 4000 rpm پر 130 Nm کا زیادہ سے زیادہ ٹارک پیدا کرتا ہے۔ یہ سیڈان 4-اسپیڈ آٹومیٹک ٹرانسمیشن سے لیس کی گئی ہے۔ واضح رہے کہ سوزوکی سیاز ملک میں completely built unit یعنی CBU کے طور پر آتی ہے۔ 

بریکنگ اور سسپنشن: 

ٹویوٹا یارِس کے اگلے پہیوں میں وینٹی لیٹڈ ڈِسک بریکس اور پچھلے حصے میں ڈرم بریکس ہیں۔ ایک بہتر بریکنگ تجربے کے لیے کمپنی نے بریک اسسٹ (BA) سسٹم بھی فراہم کیا ہے۔ یارِس GLi CVT کا فرنٹ سسپنشن میک فرسٹ اسٹرٹ سے لیس ہے، جبکہ پچھلا سسپنشن ٹورشن بیم رکھتا ہے۔ 

سوزوکی سیاز اگلے پہیوں میں وینٹی لیٹڈ ڈسک بریکس اور پچھلے میں لِیڈنگ اینڈ ٹریلنگ ڈرم بریکس رکھتی ہے۔ سیاز کا سسپنشن اگلے حصے میں میک فرسن اسٹرٹ مع کوائل اسپرنگ سے لیس ہے جبکہ پیچھے ٹورشن بیم مع کوائل اسپرنگ ہے۔ 

پیمائش اور گنجائش: 

یارِس کی لمبائی اور چوڑائی بالترتیب 4425 ملی میٹر اور 1730 ملی میٹر ہے۔ اونچائی دیکھی جائے تو یہ کار 1475 ملی میٹر اونچی ہے۔ ٹویوٹا یارِس کا وِیل بَیس اور کم از کم ٹرننگ ریڈیئس 2250 ملی میٹر اور 5.1 میٹر ہیں۔ لگیج کمپارٹمنٹ 476 لیٹر کی گنجائش رکھتا ہے جبکہ فیول ٹینک 42 لیٹر تک ایندھن محفوظ رکھ سکتا ہے۔ 

اس کے مقابلے میں سوزوکی سیاز زیادہ لمبائی رکھتی ہے یعنی 4490 ملی میٹرز، جبکہ اس کی چوڑائی اور اونچائی بالکل یارِس جتنی ہی ہے، بالترتیب 1730 ملی میٹرز اور 1475 ملی میٹرز۔ کار وِیل بیس اور کم از کم گراؤنڈ کلیئرنس بالترتیب 2650 ملی میٹرز اور 160 ملی میٹرز ہیں۔ سیاز کا کم از کم ٹرننگ ریڈیئس 5.4 میٹرز ہے۔ اسٹوریج گنجائش کے لحاظ سے کار لگیج کمپارٹمنٹ میں 490 لیٹرز کی گنجائش رکھتی ہے اور فیول ٹینک 42 لیٹرز کی گنجائش کے ساتھ آتا ہے۔ 

 ایکسٹیریئر: 

ٹویوٹا یارِس باہر سے ایک اسٹائلش اور خوبصورت گاڑی ہے اور بظاہر کئی لحاظ سے کرولا جیسی نظر آتی ہے۔ اگلے حصے میں یہ ایک 4-بیم ہیلوجن لیمپ ہیڈلائٹ رکھتی ہے جبکہ اس ویریئنٹ میں ڈے ٹائم رننگ لیمپس نہیں ہیں۔ یہ ایک فرنٹ ریڈی ایٹر گرِل رکھتی ہے۔ یارِس کے اس ویرینٹ میں کوئی فوگ لیمپ نہیں ہے۔ اس میں دروازوں کے بیرونی ہینڈلز باڈی کی رنگت کے ہی ہیں اور سائیڈ وِیو مررز کے اندر سائیڈ ٹرن سگنلز بھی لگے ہوئے ہیں۔ وِنڈ شیلڈ سبز رنگ کی تہہ رکھتی ہے اور فرنٹ وِنڈ اسکرین intermittent وائپرز کی حامل ہے۔ پچھلے حصے میں ایک شارٹ پول انٹینا ہے۔ اس کے نیچے ریئر کمبی نیشن لیمپس کے درمیان ایک ریئر کروم گارنِش ہے۔ خوبصورت شکل و صورت کے لیے آٹومیکر نے ریئر لیمپس میں LED لائن گائیڈ اور ریئر بمپر کے نچلے حصے پر ایک رفلیکس رفلیکٹر دیا ہے۔ کمپنی کی جانب سے اسٹینڈرڈ ٹائر سائز 185/60 R15 دیا گیا ہے اسٹیل وِیلز اور فُل ویل کیپس کے ساتھ۔

1373cc کی سوزوکی سیاز اسٹینڈرڈ کے طور پر پروجیکٹر ہیلوجن ہیڈلیمپس کے ساتھ آتی ہے جبکہ اگلے اور پچھلے بمپرز باڈی کی رنگت کے ہی ہیں۔ فرنٹ ریڈی ایٹر گرِل کروم گارنِش کی حامل ہے۔ بیرونی ڈور مِررز اور سائیڈ وِیو مِررز بھی باڈی کے رنگ میں ہیں۔ وِنڈ شیلڈ وائپرز ایڈجسٹ ایبل intermittent اور واشر کے ساتھ 2-اسپیڈ کنٹرول سے چلتے ہیں۔ کار کا فینڈر بھی اپنے اندر ٹرن سگنلز رکھتا ہے۔ سیاز کا اسٹینڈرڈ ٹائر سائز 185/65 R15 ہے، جو اسٹیل ویلز کے ساتھ 15 انچ کے فُل ویل کوَرز کے ساتھ آتے ہیں۔ پچھلے حصے میں ایک ہائی ماؤنٹڈ اسٹاپ لیمپ بھی لگا ہوا ہے۔

انٹیریئر: 

1329cc کی ٹویوٹا یارِس GLi CVT ایک زبردست انٹیریئر ڈیزائن کے ساتھ بنائی گغی ہے جو کشادہ کیبن رکھتا ہے۔ یہ ivory رنگت کی کپڑے کی نشستوں کے ساتھ آتی ہے جو دو رنگوں کے انٹیریئر میں خوب جچتی ہیں۔ یارِس کے انٹیریئر کی دیگر اہم خصوصیات یہ ہیں:

  • مینوئلی کنٹرولڈ ایئر کنڈیشنر + ہیٹر 
  • ملٹی انفارمیشن ڈسپلے
  • بیرونی درجہ حرارت کا ڈسپلے
  • اینالوگ اسپیڈومیٹر
  • ٹیکومیٹر
  • ریموٹ ٹرنک اوپنر 
  • 3-اسپوک ٹِلٹ-ایڈجسٹ ایبل اسٹیئرنگ وِیل
  • پیچھے 3 علیحدہ ہیڈ ریسٹ 
  • روشن اِنٹری سسٹم
  • پاور وِنڈوز
  • Ivory رنگت کا انٹیریئر
  • کپڑے سے بنی ڈور ٹرِم ornament 
  • اسٹینڈرڈ گیئر شفٹ لیور 
  • رنگین اندرونی ڈور ہینڈلز
  • فلور میٹس
  • سن وائزرز 
  • فرنٹ پرسنل اور رُوم لیمپ
  • Vanity آئینہ (ڈرائیور + مسافر) 
  • سینٹر کونسول باکس 
  • 12V پاور آؤٹ لیٹ
  • ڈجیٹل کلاک 
  • اکانمی میٹر
  • گیٹ-ٹائپ گیئر شفٹ لیور

دوسری جانب سوزوکی سیاز 1.4 آٹو ایک مکمل سیاہ انٹیریئر میں بہترین آرام اور کشادہ کیبن رکھتی ہے۔ سوزوکی سیاز کے فیچرز کی وسیع رینج میں شامل ہیں: 

  • ڈرائیور کی سیٹ میں ہائٹ ایڈجسٹمنٹ 
  • اسٹینڈرڈ فیبرک سیٹس 
  • بیک پاکٹ (ڈرائیور اور مسافر کی سِیٹ میں) 
  • پچھلی سیٹوں پر ہیڈریسٹس 
  • پچھلی سیٹوں کے درمیان میں آرم ریسٹ کپ ہولڈرز کے ساتھ
  • پاور ڈور لاکس
  • مینوئلی-کنٹرولڈ ایئر کنڈیشنر + ہیٹنگ 
  • پولن فلٹر
  • پاور وِنڈوز
  • الیکٹرک ٹرنک اوپنر 
  • الیکٹرک آؤٹ سائیڈ مررز 
  • اسِسٹ گرِپس 
  • سن وائزرز 
  • فیبرک ڈور ٹرِم 
  • پاور اسٹیئرنگ ٹِلٹ-ایڈجسٹ ایبل فیچر کے ساتھ 
  • میٹر کلسٹر میں سفید روشنی 
  • سوئچ میں عنبری روشنی 
  • ٹیکومیٹر 
  • اسپیڈومیٹر درجہ حرارت، ایندھن کی کھپت اور گھڑی کے ساتھ 
  • درمیان میں accessory ساکٹ 
  • رُوم اور لگیج لیمپ

سیفٹی اور سکیورٹی: 

آٹومینوفیکچرر کی جانب سے ٹویوٹا یارِس میں کئی سیفٹی اور سکیورٹی فیچرز دیے گئے ہیں۔ یارِس کے تمام 6 ویرینٹس ایک جیسے اسٹینڈرڈ سیفٹی اور سکیورٹی فیچرز رکھتے ہیں۔ آئیے ان پر ایک نظر ڈالتے ہیں:

  • سینٹرل ڈور لاکنگ
  • ABS+EBD
  • SRS ایئربیگز (ڈرائیور + مسافر) 
  • کِی ریمائنڈر وارننگ
  • ہِل-اسٹارٹ اسسٹ سسٹم
  • وہیکل اسٹیبلٹی کنٹرول (VSC) مع ٹریکشن کنٹرول
  • فیول آٹو کَٹ 
  • اگلی نشستیں 3-پوائنٹ ELR پری-ٹینشنر اور فورس لمِٹَر سیٹ بیلٹس کے ساتھ 
  • پچھلے حصے میں 3-پوائنٹ ELR کے ساتھ 3 سیٹ بیلٹس 
  • ISOFIX چائلڈ سیٹ اینکرز
  • چوری سے بچانے کے لیے سسٹم اموبیلائزر کے ساتھ 
  • لائٹ ریمائنڈر وارننگ
  • ہائی ماؤنٹ اسٹاپ لیمپ

پاک سوزوکی اپنی 1.4L سیاز سیڈان میں مختلف سیفٹی اور سکیورٹی فیچرز پیش کرتا ہے کہ جن میں مندرجہ ذیل شامل ہیں: 

  • ایئر بیگز (ڈرائیور + مسافر) 
  • اینٹی-لاک بریکنگ سسٹم (ABS) + الیکٹرانک بریکنگ ڈسٹری بیوشن (EBD) 
  • چائلڈ پروف ریئر ڈور لاکس 
  • اموبیلائزر
  • سکیورٹی الارم سسٹم
  • پیڈل ریلیز سسٹم
  • سائیڈ امپیکٹ پروٹیکشن بِیم 
  • کی لَیس انٹری 
  • ہائی ماؤنٹ اسٹاپ لیمپ

انٹرٹینمنٹ فیچرز: 

آٹومیکر نے یارِس میں 3 لائنز LCD ڈسپلے کے ساتھ ایک اِن-ڈیش آڈیو سسٹم فراہم کیا ہے۔ یہ جدید بلوٹوتھ کا کنیکٹیوِٹی فیچرز بھی پیش کرتی ہے کہ جس میں 2 فونز، ہینڈز فری اور 5 فونز تک سے زبرست میوزک اسٹریمنگ شامل ہے۔ یہ MP3، CD پلیئر اور ریڈیو کے ساتھ ساتھ USB اور AUX کنیکٹیوِٹی فیچرز بھی رکھتی ہے۔ آٹو مینوفیکچرر کی جانب سے گاڑی میں دو اسپیکرز دیے گئے ہیں۔

سوزوکی سیاز بنیادی لیول کے انٹرٹینمنٹ سسٹم سے لیس ہے کہ جس میں AM/FM ریڈیو، MP3 اور USB کنیکٹیوِٹی شامل ہیں۔ اس کے ساتھ ایک ریئر گلاس ماؤنٹڈ انٹینا فراہم کیا گیا ہے۔ یہ سیڈان چار اسپیکرز رکھتی ہے۔ 

قیمت: 

ٹویوٹا یارِس 1.3L GLi کا CVT ورژن سوزوکی سیاز کے 1.4L آٹو ویرینٹ کے مقابلے میں بہت اچھی قیمت پر مقامی مارکیٹ میں متعارف کروایا گیا ہے۔ خود دیکھ لیں! 

  • ٹویوٹا یارِس GLi 1.3 CVT: قیمت 25,19,000 روپے (تعارفی قیمت) 
  • سوزوکی سیاز 1.4L آٹو: قیمت 25,00,000 روپے 

پاکستان میں نئی یارِس کے بارے میں آپ کیا سمجھتے ہیں؟ کیا یہ واقعتاً مشہور کرولا ویرینٹس کا خلاء پُر کر پائے گی؟ کیا یہ پاکستانی مارکیٹ میں پہلے سے موجود سوزوکی سیاز کو پچھاڑ سکے گی؟ کئی سوالات ہیں کہ جن کا جواب ملنا ابھی باقی ہے لیکن یہ جواب وقت ہی دے گا۔ بلاشبہ خصوصیات اور تفصیلات کے لحاظ سے ٹویوٹا یارِس سے کامیابی کی بڑی توقعات ہیں اور ملک میں اس کی کامیابی کا امکان بہت زیادہ ہے۔ قیمت کے معاملے میں دونوں کاریں تقریباً ایک ہی قیمت پر دستیاب ہیں یعنی 25 لاکھ روپے میں۔

ٹویوٹا یارِس GLi 1.3 CVTکی مکمل خصوصیات اور تفصیلات دیکھنے کے لیے کلک کریں 

سوزوکی سیاز 1.3 آٹو کی مکمل خصوصیات اور تفصیلات دیکھنے کے لیے کلک کریں 

نئی یارِس کے بارے میں آپ کی رائے کیا ہے؟ ہمیں نیچے تبصروں میں بتائیں اور ٹویوٹا یارِس کے مقامی سطح پر دستیاب گاڑیوں سے ایسے ہی تقابل کے لیے پاک ویلز پر آتے رہیں۔

Google App Store App Store
تبصرے