ٹویوٹا یارِس جی ایل آئی سی وی ٹی بمقابلہ ٹویوٹا کرولا ایکس ایل آئی آٹو: ایک مختصر تقابل!

5 272

ٹویوٹیا یارِس چھ مختلف ویرینٹس میں متعارف کروائی جا رہی ہے کہ جس میں 1.3-لیٹر اور 1.5-لیٹر ویرینٹس شامل ہیں۔ کیونکہ یہ سیڈان مشہور کرولا 1.3L ویرینٹس کی جگہ لے گی، اس لیے اسے مارکیٹ میں سخت مقابلے کا سامنا ہوگا۔ کرولا سے پیدا ہونے والے خلاء کو پُر کرنے کے لیے یہ گاڑی IMC کے مخلص صارفین پر کافی اثرات مرتب کرے گی۔ 

بہرحال، ہم ٹویوٹا یارِس GLi 1.3L (1329cc) CVT میں پیش کیے گئے فیچرز پر بات کریں گے اور ان کا ٹویوٹا کرولا XLi آٹو 1.3L (1299cc) آٹو سے تقابل کریں گے کہ جس کا خاتمہ کیا جا رہا ہے۔ آئیے دیکھتے ہیں! 

انجن اور کارکردگی: 

ٹویوٹا یارِس 4-سلنڈر اِن-لائن 16 والو DOHC مع ڈوئل VVT-I 1329cc 1NR-FE انجن سے لیس ہے جو sequential multi-port fuel injection یعنی SFI سسٹم رکھتا ہے۔ یہ 6000 RPM پر زیادہ سے زیادہ 98 hp اور 4200 RPM پر 123 Nm کا زیادہ سے زیادہ ٹارک پیدا کر سکتا ہے۔ یارِس 7-اسپیڈ CVT/اسپورٹ شفٹ میٹنگ سسٹم کے ساتھ لگایا گیا ہے۔ 

دوسری جانب کرولا XLi 1.3-لیٹر آٹو ایک واٹر-کُولڈ 4-سلنڈر اِن-لائن 16-والو DOHC کے حامل VVT-I 2NZ-FE 1299 cc انجن سے لیس ہے جو sequential multi-port fuel injection یعنی SFI سسٹم رکھتا ہے۔ یہ 6000 RPM پر 84 hp اور 4400 RPM پر 121 Nm کا زیادہ سے زیادہ ٹارک پیدا کرتا ہے۔ کرولا XLi آٹو 4-اسپیڈ آٹومیٹک (سپر الیکٹرانک کنٹرولڈ) ٹرانسمیشن سے لیس ہے۔ 

بریک اور سسپنشن: 

ٹویوٹا یارِس کے اگلے پہیوں میں وینٹی لیٹڈ ڈِسک بریکس اور پچھلے حصے میں ڈرم بریکس ہیں۔ ایک بہتر بریکنگ تجربے کے لیے کمپنی نے بریک اسسٹ (BA) سسٹم بھی فراہم کیا ہے۔ یارِس GLi CVT کا فرنٹ سسپنشن میک فرسٹ اسٹرٹ سے لیس ہے، جبکہ پچھلا سسپنشن ٹورشن بیم رکھتا ہے۔ 

دوسری جانب ٹویوٹا کرولا XLi آٹو فرنٹ میں وینٹی لیٹڈ ڈسک بریکس اور پچھلے پہیوں میں سولڈ ڈسک بریکس رکھتی ہے۔ البتہ ٹویوٹا کرولا کا سسپنشن نئی یارِس جیسا ہی ہے۔ 

پیمائش اور گنجائش: 

یارِس کی لمبائی اور چوڑائی بالترتیب 4425 ملی میٹر اور 1730 ملی میٹر ہے۔ اونچائی دیکھی جائے تو یہ کار 1475 ملی میٹر اونچی ہے۔ ٹویوٹا یارِس کا ویل بیس اور کم از کم ٹرننگ ریڈیئس 2250 ملی میٹر اور 5.1 میٹر ہیں۔ لگیج کمپارٹمنٹ 476 لیٹر کی گنجائش رکھتا ہے جبکہ فیول ٹینک 42 لیٹر تک ایندھن محفوظ رکھ سکتا ہے۔ 

اس کے مقابلے میں ٹویوٹا کرولا XLi آٹو کُل 4620 ملی میٹر کی لمبائی رکھتی ہے، جبکہ اس کی چوڑائی اور اونچائی بالترتیب 1775 ملی میٹر اور 1475 ملی میٹر ہے۔ اس گاڑی کا وِیل بیس اور کم از کم ٹرننگ ریڈیئس بالترتیب 2700 ملی میٹر اور 5.4 میٹر ہیں۔ یہ 470 لیٹر کا لگیج کمپارٹمنٹ اور 55 لیٹر کا فیول ٹینک رکھتی ہے۔ 

ایکسٹیریئر: 

ٹویوٹا یارِس باہر سے ایک اسٹائلش اور خوبصورت گاڑی ہے اور بظاہر کئی لحاظ سے کرولا جیسی نظر آتی ہے۔ اگلے حصے میں یہ ایک 4-بیم ہیلوجن لیمپ ہیڈلائٹ رکھتی ہے جبکہ اس ویریئنٹ میں ڈے ٹائم رننگ لیمپس نہیں ہیں۔ یہ ایک فرنٹ ریڈی ایٹر گرِل رکھتی ہے۔ یارِس کے اس ویرینٹ میں کوئی فوگ لیمپ نہیں ہے۔ اس میں دروازوں کے بیرونی ہینڈلز باڈی کی رنگت کے ہی ہیں اور سائیڈ وِیو مررز کے اندر سائیڈ ٹرن سگنلز بھی لگے ہوئے ہیں۔ وِنڈ شیلڈ سبز رنگ کی تہہ رکھتی ہے اور فرنٹ وِنڈ اسکرین intermittent وائپرز کی حامل ہے۔ پچھلے حصے میں ایک شارٹ پول انٹینا ہے۔ اس کے نیچے ریئر کمبی نیشن لیمپس کے درمیان ایک ریئر کروم گارنِش ہے۔ خوبصورت شکل و صورت کے لیے آٹومیکر نے ریئر لیمپس میں LED لائن گائیڈ اور ریئر بمپر کے نچلے حصے پر ایک رفلیکس رفلیکٹر دیا ہے۔ کمپنی کی جانب سے اسٹینڈرڈ ٹائر سائز 185/60 R15 دیا گیا ہے اسٹیل وِیلز اور فُل ویل کیپس کے ساتھ۔

ٹویوٹا کرولا کا 1.3-لیٹر XLi CVT ماڈل ہیلوجن ہیڈلیمپس کے ساتھ ایک جزوی کروم فرنٹ ریڈی ایٹر گرِل میں آتا ہے۔ یہ سیڈان ڈیزائن انداز اور خوبصورت میں کئی لحاظ سے یارِس سے ملتی جلتی ہے۔ اس میں بھی DRLs یا فوگ لیمپس نہیں ہیں۔ البتہ بیرونی دروازوں کے ہینڈلز باڈی کی رنگت کے ہی ہیں جبکہ سائیڈ ویوو مررز میں ٹرن سگنلز بھی لگے ہوئے ہیں۔ کرولا کی وِنڈ شیلڈ laminated ہے اور یہ intermittent وِنڈ شیلڈ وائپرز رکھتی ہے۔ یہ ایک گلاس embedded انٹینا کی حامل ہے اور اس کے ساتھ کروم ریئر گارنِش فراہم کی گئی ہے۔ کرولا XLi کا اسٹینڈرڈ ٹائر سائز 195/65 R15 ہے، اسٹیل وِیلز اور فُل ویل کیپس کے ساتھ۔

انٹیریئر

یارِس کا انٹیریئر کشادہ اور اسٹائل میں حیرت انگیز لگتا ہے۔ کمپنی نے نئی یارس میں صارفین کے لیے کئی آرام دہ اور سہولت مند فیچرز بھی فراہم کیے ہیں۔ یہ ivory رنگت کی کپڑے کی نشستوں کے ساتھ آتی ہے جو دو رنگوں کے انٹیریئر میں خوب جچتی ہیں۔ یارِس کے انٹیریئر کی دیگر اہم خصوصیات یہ ہیں:

  • ملٹی انفارمیشن ڈسپلے
  • مینوئلی کنٹرولڈ ایئر کنڈیشنر + ہیٹر 
  • بیرونی درجہ حرارت کا ڈسپلے
  • اینالوگ اسپیڈومیٹر
  • ٹیکومیٹر
  • ریموٹ ٹرنک اوپنر 
  • 3-اسپوک ٹِلٹ-ایڈجسٹ ایبل اسٹیئرنگ وِیل
  • پیچھے 3 علیحدہ ہیڈ ریسٹ 
  • روشن اِنٹری سسٹم
  • پاور وِنڈوز
  • Ivory رنگت کا انٹیریئر
  • کپڑے سے بنی ڈور ٹرِم ornament 
  • اسٹینڈرڈ گیئر شفٹ لیور 
  • رنگین اندرونی ڈور ہینڈلز
  • فلور میٹس
  • سن وائزرز 
  • فرنٹ پرسنل اور رُوم لیمپ
  • Vanity آئینہ (ڈرائیور + مسافر) 
  • سینٹر کونسول باکس 
  • 12V پاور آؤٹ لیٹ
  • ڈجیٹل کلاک 
  • اکانمی میٹر
  • گیٹ-ٹائپ گیئر شفٹ لیور

دوسری جانب ٹویوٹا کرولا کا انٹیریئر اسی رنگت میں آتا ہے جیسا نئی یارِس کا ہے۔ اس کے کیبن میں متعدد فیچرز ہیں جیسا کہ: 

  • مینوئلی کنٹرولڈ ایئر کنڈیشنر + ہیٹر 
  • کومپیکٹ LCD ملٹی-انفارمیشن ڈسپلے
  • بیرونی درجہ حرارت کا ڈسپلے
  • اینالوگ اسپیڈومیٹر مع کروم 
  • ٹیکومیٹر
  • 3-اسپوک ٹِلٹ اینڈ ٹیلی اسکوپک ایڈجسٹ ایبل اسٹیئرنگ وِیل 
  • کپڑے کی سیٹیں
  • پچھلے حصے میں تین علیحدہ ہیڈ ریسٹس 
  • روشن اِنٹری سسٹم
  • پٹ سن کی رنگت کا انٹیریئر
  • کپڑے سے بنی ڈور ٹرِم سیاہ گرِپس کے ساتھ
  • فلور میٹس
  • فرنٹ پرسنل اور رُوم لیمپ 
  • سن وائزرز
  • سینٹر کونسول باکس (2-ٹیئر لِڈ کے ساتھ) 
  • 12 V پاور آؤٹ لیٹ
  • ڈجیٹل کلاک
  • اکانمی میٹر
  • گیٹ -ٹائپ گیئر شفٹ لیور

سیفٹی اور سکیورٹی: 

ٹویوٹا یارِس میں کمپنی کی جانب سے کئی سیفٹی اور سکیورٹی فیچرز دیے گئے ہیں۔ یارِس کے تمام 6 ویریئنٹس ایک جیسے اسٹینڈرڈ سیفٹی اور سکیورٹی فیچرز رکھتی ہیں۔ آئیے ان پر ایک نظر ڈالتے ہیں:

  • سینٹرل ڈور لاکنگ
  • ABS+EBD
  • SRS ایئربیگز (ڈرائیور + مسافر) 
  • کِی ریمائنڈر وارننگ
  • ہِل-اسٹارٹ اسسٹ سسٹم
  • وہیکل اسٹیبلٹی کنٹرول (VSC) مع ٹریکشن کنٹرول
  • فیول آٹو کَٹ 
  • اگلی نشستیں 3-پوائنٹ ELR پری-ٹینشنر اور فورس لمِٹَر سیٹ بیلٹس کے ساتھ 
  • پچھلے حصے میں 3-پوائنٹ ELR کے ساتھ 3 سیٹ بیلٹس 
  • ISOFIX چائلڈ سیٹ اینکرز
  • چوری سے بچانے کے لیے سسٹم اموبیلائزر کے ساتھ 
  • لائٹ ریمائنڈر وارننگ
  • ہائی ماؤنٹ اسٹاپ لیمپ

ٹویوٹا کرولا بھی متعدد سکیورٹی اور سیفٹی فیچرز سے لیس ہے جیسا کہ: 

  • SRS ایئر بیگز (ڈرائیور + مسافر) 
  • اگلی نشستیں 3-پوائنٹ ELR پری-ٹینشنر اور فورس لمِٹَر سیٹ بیلٹس کے ساتھ 
  • پچھلے حصے میں 3-پوائنٹ ELR کے ساتھ 3 سیٹ بیلٹس 
  • ISOFIX چائلڈ سیٹ اینکرز
  • اموبیلائزر 
  • لائٹ ریمائنڈر وارننگ
  • وہیکل اسٹیبلٹی کنٹرول (VSC) 
  • GOA باڈی کرمپل زونز کے ساتھ 

انٹرٹینمنٹ فیچرز: 

آٹومیکر نے یارِس میں 3 لائنز LCD ڈسپلے کے ساتھ ایک اِن-ڈیش آڈیو سسٹم فراہم کیا ہے۔ یہ جدید بلوٹوتھ کا کنیکٹیوِٹی فیچرز بھی پیش کرتی ہے کہ جس میں 2 فونز، ہینڈز فری اور 5 فونز تک سے زبرست میوزک اسٹریمنگ شامل ہے۔ یہ MP3، CD پلیئر اور ریڈیو کے ساتھ ساتھ USB اور AUX کنیکٹیوِٹی فیچرز بھی رکھتی ہے۔ آٹو مینوفیکچرر کی جانب سے گاڑی میں دو اسپیکرز دیے گئے ہیں۔

ٹویوٹا کرولا عام اِن-ڈیش سسٹم کے ساتھ آتی ہے کہ جو بنیادی طور پر 2 اسپیکرز کے ساتھ MP3، ریڈیو، USB اور AUX کنیکٹیوِٹی دیتا ہے۔

قیمت

قیمت کے معاملے میں یہ دونوں گاڑیاں مقامی مارکیٹ میں اِن ایکس-فیکٹری قیمتوں پر دستیاب ہیں: 

  • ٹویوٹا یارِس GLi 1.3 CVT: 25,19,000 روپے (تعارفی قیمت) 
  • ٹویوٹا کرولا XLi 1.3 آٹو: 26,19,000 روپے 

نئی یارِس پرانے XLi آٹو ورژن سے 1,00,000 روپے سستی ہے، جو کمپنی کے مخلص صارفین کے لیے اچھی خبر ہے۔ البتہ یہ عوام پر منحصر ہے کہ وہ دونوں سیڈانز کے فیچرز دیکھیں اور بہتر فیصلہ کریں۔ بلاشبہ مقامی مارکیٹ میں یارِس سے بڑی امیدیں وابستہ ہیں، اور صرف وقت ہی فیصلہ کرے گا کہ وہ پاکستان میں کرولا کے پیدا کیے گئے خلاء کو پُر کر پائے گی یہ نہیں۔ کرولا کے 1.3 لیٹر ویرینٹس نے کئی سالوں تک پاکستان کے آٹو سیکٹر میں بڑی کامیابیاں حاصل کیں۔ لیکن یہ دیکھنا دلچسپ ہوگا کہ صارفین نئی گاڑی کے حوالے سے کیا رویہ اختیار کرتے ہیں۔

Click to See the complete specifications and features of Toyota Yaris GLi CVT

Click to See the complete specifications and features of Corolla Cars

آپ IMC کی نئی گاڑی کو کس نگاہ سے دیکھتے ہیں؟ ہمیں نیچے تبصروں میں بتائیے اور مقامی مارکیٹ میں مقابل گاڑیوں کے ساتھ یارِس کے تقابل کے مزید بلاگز کے لیے آتے رہیے۔

Google App Store App Store
تبصرے