پاکستان آٹو موٹیو مینوفیکچررز ایسوسی ایشن کی جانب سے جون 2021 کی ماہانہ کار سیلز رپورٹ جاری کی گئی ہے جس میں مالی سال 21-2020 میں فروخت ہونے والی گاڑیوں سے متعلق بھی اعداد وشمار دئیے گئے ہیں۔ رپورٹ میں بتایا گیا ہے کہ مالی سال 2021 میں کُل 238,000 گاڑیاں فروخت کی گئی ہیں جو کہ گزشہ مالی سال 2020 میں فروخت ہونیوالی گاڑیوں سے 90 فیصد زیادہ ہے۔ گزشتہ سال 181,000 گاڑیاں فروخت کی گئی تھیں۔ ان میں پاما کے ممبران اور غیر ممبران سمیت در آمد کی گئی گاڑیاں شامل ہیں۔
اگر ہم صرف پاما کے ساتھ رجسٹرڈ کمپنیوں کی سیلز کی بات کریں تو مالی سال 2021 میں فروخت ہونے والی گاڑیوں کی کل تعداد 181،000 یونٹس رہ جاتی ہے جو مالی سال 2020 سے 62 فیصد زیادہ ہے۔
سینئر تجزیہ کار عمیر نصیر نے پیش گوئی کی ہے کہ کاروں کی قیمتیں کم ہونے کی وجہ سے مالی سال 22 میں کاروں کی فروخت 300،000 یونٹ پر پہنچ جائے گی۔
- پاک سوزوکی موٹرز نے مالی سال 2020 میں 65,815 گاڑیاں بیچیں جبکہ مالی سال 2021 میں یہ تعداد بڑھ کر 88,032 ہو گئی۔ (سیلز میں %34 فیصد اضافہ ہوا)
- ٹویوٹا انڈس موٹرز نے مالی سال 2020 میں 28,378 گاڑیاں بیچیں جبکہ مالی سال 2021 میں یہ تعداد بڑھ کر 57,236 ہو گئی۔ (سیلز میں 102% فیصد اضافہ ہوا)
- ہنڈا اٹلس موٹرز نے مالی سال 2021 میں 29,291 گاڑیاں بیچیں جبکہ مالی سال 2020 میں یہ تعداد 16,390 تھی ۔ (سیلز میں 79% فیصد اضافہ ہوا)
ماہانہ سیل، کار سیلز میں 12% فیصد کمی
جہاں ایک طرف گاڑیوں کی سالانہ سیل میں اضافی دیکھا گیا وہیں ماہانہ سیل میں کمی دیکھی گئی ہے۔ مئی اور اپریل کے بعد جون میں بھی کار کی سیلز میں کمی ہوئی ہے۔ رپورٹ میں دئیے گئے اعداد و شمار کے مطابق آٹو انڈسٹری نے جون میں 13,750 گاڑیاں بیچی گئیں جو کہ مئی میں ہونی والی سیلز سے 12 فیصد کم تھیں۔
اسی طرح ماہ جون میں پاک سوزوکی کی سیلز میں 39 فیصد، ٹویوٹا انڈس کی سیلز میں 3 فیصد، ہیونڈائی نشاط کی سیلز میں 5 فیصد دیکھی گئی ہے۔ اس کے برعکس ہںڈا اٹلس کی سیلز میں 65 فیصد اضافہ دیکھا گیا۔
پاکستان میں پاما سے رجسٹرڈ کمپنیز کی ماہانہ سیلز اینالسز یہ ہے:
نئی آٹو پالیسی متعارف کروائے جانے کے بعد اب دیکھنا ہے کہ آئندہ ماہ جولائی کی سیلز بہتر ہوتیں ہیں یا نہیں۔ امکان ہے کہ قیمتیں کم ہونے کے بعد صارفین مزید گاڑیاں خریدیں گے۔ امید کی جا رہی ہے کہ مالی سال 2022 میں کاروں کی سیل بڑھ جائے گی۔
