سوزوکی اکتوبر میں اپنے مشہور ماڈل آلٹو کی 9ویں جنریشن پیش کرنے کے لیے تیار ہے۔
آٹومیکر آلٹو کی 9ویں جنریشن کی رونمائی کرے گا جو پہلی بار اکتوبر 1979ء میں عالمی سطح پر متعارف کروائی گئی تھی۔ گاڑیوں کی دنیا کا یہ عظیم جاپانی ادارہ رواں سال 9 ویں جنریشن کے اجراء کے موقع پر اس خاص ماڈل کی 40 ویں سالگرہ بھی منائے گا۔ مکمل نئی سوزوکی آلٹو جدید ترین مینوفیکچرنگ پلیٹ فارم پر بنائی جائے گی جو اس وقت سوزوکی کی جانب سے عالمی سطح پر بنائی جانے والی ہیچ بیکس کو پیچھے چھوڑ رہا ہے۔
جاپانی آٹو مینوفیکچرر اس وقت سوزوکی آلٹو کی 8 ویں جنریشن کی پیداوار کر رہا ہے جس نے عالمی سطح پر 2014ء میں آغاز لیا تھا۔ آلٹو کا موجودہ ماڈل اپنے 5 سال کامیابی سے مکمل کر چکا ہے۔ سوزوکی آلٹو دنیا بھر میں ہمیشہ ایک مشہور اور ایسی گاڑی رہی ہے جس کا شدت سے انتظار کیا جاتا ہے۔ آلٹو کا موجودہ ماڈل 658cc کا 3-سلینڈر VVT انجن رکھتا ہے۔ اسے تین اقسام کی ٹرانسمیشن سے تقویت دی گئی ہے؛ 5-اسپیڈ مینوئل، 5-اسپیڈ سیمی-آٹومیٹک اور CVT گیئربکس ماڈل۔ آلٹو کا ایک اور ویریئنٹ ہے جو ENE-چارج ہائبرڈ سسٹم کے ساتھ آتا ہے جو انجن-آٹو آئیڈلنگ اور ری جنریٹِو بریکنگ جیسی جدید ترین سہولایت سے لیس ہے۔ واضح رہے کہ یہ آلٹو کے وہ ویریئنٹس ہیں جو سوزوکی 2014ء سے دنیا بھر میں بنا رہا ہے۔
سوزوکی 2020ء ماڈل کے طور پر آلٹو کی اگلی جنریشن کے اجراء کی تیاری کر رہا ہے جو اپنے آغاز کے بعد فروخت کے لیے پیش کی جائے کی۔ دوسری جانب پاک سوزوکی مارچ اوراپریل 2019ء کے دوران آلٹو کی 8ویں جنریشن پیش کرنے کے لیے تیارہے۔ پاک سوزوکی نے وہ گاڑیاں متعارف کرنے کی روایت برقرار رکھی ہے کہ جو پہلے ہی عالمی سطح پر بند ہو چکی ہوتی ہیں۔ لیکن پھر بھی سوزوکی مہران بند کرنے کے پاک سوزوکی کے فیصلے کو دیکھتے ہوئے اس لانچ کا شدت سے انتظار کیا جا رہا ہے۔ 660cc کی آلٹو پاکستان میں مینوئل اور آٹومیٹک دونوں ویریئنٹس میں پیش کی جائے گی۔ نئی آلٹو کی قیمت 9 سے 10 لاکھ کے درمیان ہوگی۔ یہ ہیچ بیک 800cc یونائیٹڈبراوو کی براہِ راست مقابل ہوگی جو پاکستان کی آٹوموبائل مارکیٹ میں بدستور اپنا راستہ صاف کر رہی ہے۔ مقامی طور پر بننے والی 1300cc تک کی گاڑی خریدنے کے لیے نان-فائلرز پر عائد پابندی ختم ہو جانے کے بعد آلٹو کے لیے میدان تیار ہے کہ وہ زیادہ فروخت کے ساتھ مارکیٹ کی طلب پوری کرے۔
آٹوموبائل انڈسٹری کی تازہ ترین خبروں کے لیے پاک ویلز کے ساتھ رہیے۔ اپنے تبصرے نیچے پیش کیجیے۔
