رواں ماہ جولائی کے پہلے ہفتے امریکی مارکیٹ میں انتہائی متوقع ٹویوٹا لینڈ کروزر پراڈو کا ایک دلچسپ ریوئیو آیا۔ ٹویوٹا امریکہ میں اس آف روڈر کو ایک نئی جنریشن کے ساتھ ممکنہ طور پر 2025 ماڈل کے طور پر دوبارہ متعارف کرانے کے لیے تیار ہے۔ اگرچہ باضابطہ طور پر کسی چیز کی تصدیق نہیں کی گئی ہے، توقع ہے کہ یہ ایس یو وی یورپی مارکیٹ کے لیے ڈیزائن کی گئی نئی لینڈ کروزر پراڈو سے زبردست مشابہت رکھتی ہے۔ آئیے تفصیل دیکھیں کہ اس آنے والی گاڑی کونسے فیچرز دئیے جائیں گے۔ ذیل میں دکھائی گئی گاڑی کی اصل تصاویر نہیں بلکہ رینڈر کی گئی تصاویر ہیں۔
نئی لینڈ کروزر پراڈو کی ایک جھلک
نئی ٹویوٹا لینڈ کروزر پراڈو کی تازہ ترین جھلکیاں جو کہ ممکنہ طور پر امریکہ میں نئی لینڈ کروزر کے نام سے مشہور ہوں گی، ایک مضبوط اور باکسی SUV کو ظاہر کرتی ہیں جس میں مختصر اور پرانے ڈیزائنز کی بھی جھلک نظر آتی ہے۔ مجموعی طور پر یہ تصاویر نئی Lexus GX کے ساتھ مماثلت رکھتی ہیں جبکہ ٹویوٹا کی مخصوص فیچرز جیسا کہ ریڈی ایٹر گرِل اور ایل ای ڈی سگنیچر سامنے م ہے۔ سٹائلش لیکسس جو کہ لینڈ کروزر کی ہم منصب سمجھی جاتی ہے، کے برعکس نئی لینڈ کروزر کا ڈیزائن بھی کافی عمدہ نظر آتا ہے۔
کمپنی نے لینڈ کروزر کو درجہ بندی میں لیکسس کی نسبت کم رکھنے کا فیصلہ کیا ہے۔ جس سے اس کے لائن اپ میں لیکسس جی ایکس کے لیے جگہ بنائی جائے گی۔ اگرچہ 2025 لینڈ کروزر کے لیے قیمتوں کی درست تفصیلات سامنے آنا باقی ہیں، توقع ہے کہ یہ اپنے پیشرو سے زیادہ سستی ہوگی جس کی قیمت 85000 ڈالر سے زیادہ رکھی گئی تھی۔ قیاس آرائیاں کی جا رہی ہیں کہ نئی آنے والی لینڈ کروز کی قیمت تقریباً 60000 ڈالر رکھی جائے گی جو آف روڈ کے شوقین افراد کے لیے اچھی خبر ہے۔
کارکردگی
رپورٹس بتاتی ہیں کہ ٹویوٹا نئی لینڈ کروزر پراڈو کو امریکی مارکیٹ میں ایک بہترین پروڈکٹ کے طور پر پوزیشن میں لانے کا ارادہ رکھتی ہے۔ یہ بھی کہا جا رہا ہے کہ پاور ٹرین کو نئے ٹکوما کے ساتھ شیئر کیا جائے گا، جس میں 2.4 لیٹر ٹربو چارجڈ انجن موجود ہے۔
