اگر آپ کو یاد ہو تو ہم نے آپ کو MG پاکستان کی جانب سے متعارف کرائی گئی نئی الیکٹرک کار ایم جی 4 کے بارے میں بتایا تھا۔ ایم جی 4 کے دو ویریئنٹس لانچ کیے گئے تھے۔ بیس ویرینٹ کا نام ایکسائٹ جبکہ ٹاپ ویرینٹ کا نام ایسنس ہے۔ یہ ایک سی سیگمنٹ کراس اوور ایس یو وی ہے اور آج کمپنی نے باضابطہ طور پر ملک بھر میں اپنی ڈیلرشپس میں اپنی اس گاڑی کی کی رونمائی کی ہے۔ اس بلاگ میں یہ آپ کے لیے انٹیرئیر اور ایکسٹیرئیر کی خصوصی تصاویر لائے ہیں۔
انٹیرئیر
کار کے انٹیرئیر میں آرام دہ سیٹ کشننگ اور کافی لیگ سپیس مل جاتی ہے جہاں ایک چمکدار سیاہ رنگ کی فنشنگ کار کی خوبصورتی میں اضافہ کرتی ہے۔ مزید برآں، چمکدار سیاہ اور سفید رنگوں کا امتزاج دونوں ویرینٹس میں دیکھنے کو ملتا ہے۔ گاڑی کی سیٹس کو لیدر اور فیبرک سے بنائے ہوئے کورز ڈھانپا گیا ہے۔ ٹیسلا کی طرح گاڑی میں سمارٹ آن فیچر بھی دیا گیا ہے۔
اس فیچر کا مطلب یہ ہے کہ جب ڈرائیور بیٹھ کر سٹیئرنگ وہیل کو چھوئے گا تو گاڑی خود بخود سٹارٹ ہو جائے گی بشرطیکہ کہ گاڑی کی چابی آپ کے پاس ہے۔ لہذا ایم جی 4 میں کوئی پش سٹارٹ بٹن نہیں ہے۔ گاڑی میں 7.1 انچ کا سپیڈومیٹر LED اور 10.5 انچ کا سنٹرل میڈیا یونٹ شامل ہے۔
ایکسٹیرئیر
گاڑی کا ایکسٹیرئیر انتہائی خوبصورت ہے۔ یہاں آپ کو DRLs کے ساتھ فوگ لیمپ ہیڈلائٹ، ریڈار، ایک فرنٹ کیمرہ دیکھنے کو ملتا ہے۔ لاوا ٹیکسچرڈ ٹیل لائٹس کے ساتھ ایک ماڈرن سائیڈ پروفائل کار کے ڈیزائن پروفائل میں اضافہ کرتا ہے۔ مزید برآں، گاڑی کی اونچائی مارکیٹ میں موجود دیگر کراس اوور سے کم ہے جس سے کار کی سٹیبلٹی میں بہتری آتی ہے۔ گاڑی میں 17 انچ کے الائے رمز کے ساتھ کانٹی نینٹل ٹائرز دئیے گئے ہے جبکہ ایسنس ویریئنٹ میں 18 انچ کے الائے رمز شامل ہوں گے۔
ان تصاویر میں کار کے انٹیرئیر اور ایکسٹیرئیر کی مکمل تفصیلات دی گئی ہیں۔
آپ اس نئے MG4 EV کے بارے میں کیا سوچتے ہیں؟ کمنٹس سیکشن میں ہمیں بتائیں۔
