حالات نے اس وقت عجیب موڑ لیا جب ہونڈا نے اپنی کچھ گاڑیاں واپس منگوانے کا کہا۔ اگرچہ کمپنی اس سب کو ایک فری اپ گریڈ کہ علاوہ کچھ نہیں کہہ رہی مگر ہمیں ان کے اشتہار سے اس بات کی طرف اشارہ ملتا ہے کہ ان گاڑٰیوں کے ایس آر ایس ایئر بیگ انفلیٹر پمپس خراب ہیں۔ احتیاطی تدابیر کے طور پر کمپنی نے مختلف میڈیا پلیٹ فارمز کے زریعے اپنے صارفین تک یہ نوٹس پہنچایا ہے۔ کمپنی کے باقاعدہ بیان کے مطابق نیچے دی گئی گاڑیوں کے ایس آر ایس ایئر انفلیٹر ممکنہ طور پر خراب ہو سکتے ہیں جنہیں فوری انسپیکشن کی ضرورت ہے۔
- ہونڈا سوک (ماڈل 2006-12)
- ہونڈا سی- آر وی (ماڈل 2008-11)
- ہونڈا ایکارڈ (ماڈل 2004-12)
اس مقصد کے لیے کمپنی نے اپنے صارفین سے یہ گزارش کی ہے کہ:
- کمپنی کی ویب سائٹ پر جائیں اور وہاں اپنی گاڑی کا سٹیٹس جاننے کے لیے چیسز نمبر سے سرچ کریں
- اپنی حفاظت کو یقینی بنانے کے لیے اپنی گاڑی کو فوری طور پر قریبی کمپنی کے مجاز 3 ایس اور 2 ایس ڈیلرز کے پاس لے جائیں۔
![honda]()
ٹاکاٹا ایئر بیگ واقعے کی یاد دہانی:
اوپر دیئے گئے بیانات کی روشنی میں یہ ضروری ہوجاتا ہے کہ ہم امریکا میں ہونے والے ٹاکاٹا ایئر بیگ واقعے کا زکر کریں۔ خراب ایئر بیگ نے 25 جون 2014 کو کیلی فورنیا کی رہائشی ایک امریکی خاتون کی جان لے لی۔ اس حادثے کی اطلاع امریکی نیشنل ہائی وے ٹریفک سیفٹی ایڈمنسٹریشن کو بھی دی گئی۔ سیفٹی ریگولیٹر کو دی گئی شکایت میں کہا گیا کہ 2005 ماڈل کی ایکارڈ میں موجود ایئر بیگ گاڑی کے ہلکی سپیڈ پر ٹکرانے سے ہی پھٹ گیا اور اس میں سے گرم دھات اور تیز دھار پلاسٹک نکلا۔ اس ٹکر کی وجہ سے ڈرائیور کی ٹانگیں اور بازو بری طرح سے جھلس گئے۔ اگرچہ کمپنی کی جانب سے باقاعدہ طور پر گاڑیوں کی تعداد کے بارے میں عوام کو نہیں بتایا گیا تاہم ایک انفرادی رپورٹ نے کہا کہ ممکنہ طور پر 2001-07 ماڈل ایکارڈ، 2001-5 ماڈل سوک، اور 2002-6 ماڈل سی آر- وی میں خراب ایئر بیگز موجود ہیں۔ آخری لیکن انتہائی اہم بات یہ ہے کہ جاپانی پارٹس سپلائر ٹاکاٹا کارپوریشن کے خراب ایئر بیگز سے صرف ہونڈا کمپنی متاثر نہیں ہوئی بلکہ دوسری کئی کمپنیاں جیسا کہ نسان، ٹویوٹا، فارڈ، مزدا اور کرسلر بھی اس سے متاثر ہوئیں اور انہیں بھی چاہیے کہ وہ گاڑیاں واپس منگوائیں۔
