لاہور میں بدھ کے روز ڈیلرز کنوینشن کی تقریب میں ہونڈا اٹلس نے سب سے پہلی مقامی طور پر تیار کردہ 150cc موٹر بائیک لانچ کر دی۔
اس اعلان کردہ بائیک کا نام ہونڈا CB150F رکھا گیا ہے جو 150cc انجن، 5 سپیڈ گیئر باکس، فرنٹ ڈسک بریکس، الیکٹرک اور کک سٹارٹ کی خصوصیات سے لیس ہے اور اسے ایک انتہائی پرکشش 159000 روپے کی قیمت پر فروخت کے لیے پیش کیا گیا ہے۔ اس بات میں کوئی شک نہیں ہے کہ اٹلس ہونڈا پاکستان کی موٹربائیک انڈسٹری کا سب سے غالب کھلاڑی ہے۔ جولائی 2016 تا مارچ 2017 تک کمپنی نے 711395 یونٹ کی رجسٹرڈ سیل ریکارڈ کی جو کہ پچھلے سال کی نسبت 85 فیصد زیادہ ہے۔
کمپنی کے حکام نے اس تقریب کے موقع پر کہا کہ یہ بائیک ایک ہفتہ میں دستیاب ہو جائے گی۔ جبکہ دوسری طرف اس انڈسٹری کے ماہرین کا کہنا ہے کہ اس بائیک کو لانچ کر کے ہونڈا نے ایک بہت بڑا قدم اٹھایا ہے جس سے 150cc کی کیٹگری میں پہلے سے موجود کھلاڑیوں کو شدید مقابلہ کرنا پڑے گا جبکہ اس سے کمپنی کے لیے 150cc کیٹگری میں اپنا کسٹمر بیس قائم کرنے کی نئی راہیں بھی کھلیں گی۔
نیچے ہونڈا CB150F کی نقاب کشائی کی ویڈیو دی گئی ہے جو اس لانچ ایونٹ میں فلمائی گئی۔
Posted by Atlas Honda Limited on Wednesday, 3 May 2017
