موجودہ آٹو پالیسی کی وجہ سے ایک شعبہ جس میں صحت مند نمو دیکھنے کو مل رہی ہے تو یہ موٹر سائیکل کا شعبہ ہے۔ گو کہ گاڑیوں کے شعبے میں واضح تبدیلی دیکھنا ابھی باقی ہے لیکن موٹر سائیکلوں کے پرستاروں کے لیے مارکیٹ میں کئی نئے آپشنز موجود ہیں۔ تو ایک مرتبہ پھر پرجوش ہونے کا وقت آ پہنچا ہے کیونکہ زونٹس نامی ایک اور بائیک کمپنی نے اپنے فیس بک پیج پر زونٹس ZT310-R کے اجراء کا اعلان کیا ہے جو ایک اسپورٹس موٹر سائیکل ہے۔ تو آئیے بات کرتے ہیں کہ اس نئی موٹر سائیکل سے کیا توقعات رکھی جا سکتی ہیں۔
آغاز سے پہلے کچھ کمپنی کے بارے میں۔ زنٹس ایک چینی ادارہ ہے جو بڑی اور مڈل موٹر سائیکلوں اور چھوٹی کاروں کو ہدف بنا رہا ہے۔ زونٹس گوانگڈونگ ٹایو موٹر سائیکل ٹیکنالوجی کمپنی لمیٹڈ کی ملکیت ہے جو 2003ء میں قائم ہوئی تھی۔ کہا جا رہا ہے کہ یونائیٹڈ موٹر سائیکلز کی کریزر 150 دراصل ایک زونٹس بائیک ہے لیکن کیونکہ زونٹس صرف بڑی اور درمیانی موٹر سائیکلیں بناتا ہے، اس لیے یہ کہنا ٹھیک نہیں۔ زونٹس ZT310-R مکمل طور پر ایک نئے میدان کی کھلاڑی ہے۔
جیسا کہ نام ظاہر کرتا ہے کہ یہ موٹر سائیکل 312cc DOHC لکوئیڈ-کولڈ سنگل سلینڈر انجن رکھتی ہے۔ یہ 312cc انجن متاثر کن 34.87HP@9000RPM دیتا ہے جو اس شعبے میں آگے آگے ہے اور اس کے ساتھ یاد رکھیں کہ وزن صرف 145 کلوگرام ہے۔ یہ زونٹس کو صرف 5.8 سیکنڈز میں 0 سے 100 کی رفتار تک پہنچنے کی اجازت دیتی ہے جبکہ زیادہ سے زیادہ رفتار 160 کلومیٹر فی گھنٹہ ہے۔ گو کہ ہم رفتار پکڑنے سے مکمل طور پر مطمئن ہیں لیکن زیادہ سے زیادہ سے رفتار ایسی موٹر سائیکل کے لیے اتنی متاثر کن نہیں کہ جو 35HP پیدا کرتی ہو۔ ٹرانسمیشن 5-اسپیڈ ریٹرن شفٹ ہے جو ہمارے خیال میں 6-اسپیڈ ہونی چاہیے تھی، لیکن موٹر سائیکل میں یہی دو کمیاں ہیں۔ موٹر سائیکل کی دیگر خصوصیات بہت اچھی ہیں۔
چند کلیدی خصوصیات میں شامل ہیں:
بغیر چابی اسٹارٹ ہونے کا سسٹم
ڈیلفی فیول انجکشن سسٹم
ڈوئل پسٹن فرنٹ ڈسک بریکس اور سنگل پسٹن ریئر ڈسک بریکس
ABS (بوش یونٹ)
ڈجیٹل ڈرائیورز ڈسپلے
LED ہیڈلائٹس
نائٹروجن-فلڈ شاک
ہلکے وزن کے الائے ویلز
ڈیزائن بڑا شرارتی قسم کا ہے اور یاماہا Z1000 جیسا نظر آتا ہے۔ ڈوئل لیئر 5 اسپوک الائے رمز، دو چھوٹے ایگزاسٹس اور پہلوؤں سے اٹھتی ہوئی صورت موٹر سائیکل کو انوکھی خاصیت دیتی ہے، اور میں کہوں گا کہ یہ بینیلی 302R سے زیادہ اچھی نظر آتی ہے جو پاکستان میں اس موٹر سائیکل کی براہ راست مقابل ہے۔
کیونکہ زونٹس نے اس کی قیمت کے بارے میں کوئی معلومات ظاہر نہیں کی، لیکن اجراء کے بارے میں افواہ ہے کہ اکتوبر 2018ء میں ممکن ہے۔ جہاں تک قیمت کا تعلق ہے تو موٹر سائیکل تقریباً 6 لاکھ روپے تک کی ہوگی (روپے کی گھٹتی ہوئی موجودہ قدر کی وجہ سے)۔
اس نئی موٹر سائیکل کے بارے میں آپ کی رائے کیا ہے؟ کیا یہ بینیلی 302R کا مقابلہ کر پائے گی؟ تبصروں میں ہمیں ضرور بتائیں۔
