پاک ویلز نے سرٹیفائیڈ کار پروگرام شروع کردیا؛ پہلے سرٹیفائیڈ کار میلے کا اہتمام!

گاڑی خریدنا ایک تھکا دینے والا کام ہے اور یہ زیادہ تکلیف دہ تب بن جاتا ہے جب گاڑی استعمال شدہ ہو۔ پاکستان میں گزشتہ سال تقریباً 7.5 لاکھ استعمال شدہ گاڑیوں کی تجارت (یعنی خرید و فروخت) کی گئی تھی  اور لگ بھگ 2 لاکھ نئی گاڑیاں خریدیں گئیں۔

گو کہ ملک میں استعمال شدہ گاڑیوں کی بڑی مارکیٹ ہے، اب بھی 80 فیصد سے زيادہ باشندوں کا ماننا ہے کہ استعمال شدہ گاڑی خریدنا ایک بڑا خطرہ ہے، کوئی نہیں جانتا ہے کہ خریدنے کے بعد یہ نئے مالک کو کس مسئلے سے دوچار کرے گی۔ محفوظ اور قابل بھروسہ استعمال شدہ گاڑیوں کی مارکیٹ ضرورت کو مدنظر رکھتے ہوئے پاک ویلز نے اپنے سرٹیفائیڈ کار پروگرام کا اجراء کردیا ہے تاکہ صارفین کو مکمل سکون کے ساتھ استعمال شدہ گاڑیاں خریدنے میں مدد دے۔

پاک ویلز کی سرٹیفائیڈ گاڑیاں بہترین استعمال شدہ گاڑیاں ہیں، جو کہ ہمارے ماہرین سے تصدیق شدہ ہوتی ہیں۔ .PakWheels.com سرٹیفائیڈ پروگرام جدید ترین آلات اور ماہر ٹیکنیشنز کی مدد سے گاڑی کی جامع انسپکشن پیش کرتا ہے اور اگر گاڑی درآمد شدہ ہو تو پاک ویلز آکشن شیٹ کی تصدیق بھی کرتا ہے اور گاڑی کو سرٹیفکیشن دیتا ہے اور ضمانت بھی کہ گاڑی مکمل طور پر کارآمد ہے اور آکشن شیٹ 100 فیصد اصلی ہے۔ سرٹیفائیڈ کارو سروس کی بنیادی توجہ اس بات پر ہے کہ صارف کو وہ گاڑی ملے جس کا اس نے آرڈر کیا ہے اور پاک ویلز یقینی بنائے گا کہ صارفین کو کسی بیرونی و اندرونی ڈھکے چھپے مسئلے کے بغیر ایک گاڑی مل جائے۔

PakWheels.com اپنے سرٹیفائیڈ کار پروگرام پر مکمل یقین رکھتا ہے جس کی بدولت خریداروں کو 30 دن یا 1000 کلومیٹرز کی ریپیئر وارنٹی دے رہا ہے۔

ان سروسز کے ساتھ PakWheels.com اپنے تجربے اور اختیار کا فائدہ اٹھاتے ہوئے کار خریداروں کو اپنے خوابوں کی گاڑی خریدتے ہوئے باخبر رہ کر فیصلہ کرنے میں مدد دے گا اور ملک میں نئی اور استعمال شدہ گاڑیوں کی خرید و فروخت کے طریقے کو بدل رہا ہے۔

سرٹیفائیڈ کار میلہ

لوگوں کو مدد دینے اور آٹو سیکٹر میں انقلابی تبدیلی کی کوشش میں PakWheels.com اوّلین سرٹیفائیڈ کار میلہ منعقد کر رہا ہے تاکہ لوگوں کو اپنے خوابوں کی گاڑی خریدنے کے لیے ایک پلیٹ فارم عطا کرے۔ یہ ایونٹ اتوار 7 اکتوبر 2018ء کو صبح 11 سے رات 10 بجے تک پیکیجز مال پارکنگ، لاہور میں ہوگا۔ تمام گاڑیاں PakWheels.com سرٹیفائیڈ کار پروگرام کے تحت سرٹیفائی کی گئی ہیں۔

ممکنہ خریداروں کے پاس انتخاب کے لیے سینکڑوں سرٹیفائیڈ کاریں ہوں گی، جن میں مقامی اور درآمد شدہ ہیچ بیکس، سیڈانز اور SUVs شامل ہوں گی اور ہر گاڑی کے ساتھ اس کی جامع انسپکشن کی شیٹ موجود ہو گی۔ مزید برآں گاڑیوں کے ڈیلرز بھی خریداروں کی ذاتی رہنمائی کے لیے موجود ہوں گے۔

PakWheels.com کی پیش کی جانے والی دیگر خدمات میں شامل ہیں:

میرے لیے بیچیں

میرے لیے خریدیں

پاک ویلز کار انسپکشن سروس اور

آن لائن آکشن شیٹ ویریفکیشن

ان سروسز کا استعمال کرکے کوئی بھی گاڑی کو بغیر کسی پریشانی کے فروخت یا خرید سکتا ہے۔ اس لیے اس موقع کو ضائع مت کریں اور استعمال شدہ گاڑی اعتماد سے خریدیں۔ ایونٹ کی مزید تفصیلات کے لیے یہاں کلک کیجیے۔