کِیا اسپورٹیج کو کراچی، سندھ میں ایک مرتبہ پھر دیکھا گیا ہے۔ جو گاڑی دیکھی گئی وہ کیا-لکی موٹرز پاکستان لمیٹڈ کے نا م سے رجسٹرڈ ہے۔ یہ پہلا موقع نہیں ہے کہ اس گاڑی کی سڑک پر جاتے ہوئے کوئی تصویر لی گئی ہو، اس سے پہلے یہ حیدرآباد میں کِیا کاروں کے ساتھ دیکھی گئی تھی۔
ذیل میں کِیا اسپورٹیج کی تصاویر دیکھیں:
تصاویر از: عاصم عبد الرزاق
کوریائی آٹومیکر کِیا مقامی صنعت میں گاڑیاں پیش کرنے کے لیے یونس برادرز کے ساتھ کام کر رہا ہے۔ جوائنٹ وینچر، ابتدائی مرحلے میں، پاکستان میں گرینڈ کارنیول لانچ کر چکا ہے، جس نے مقامی صارفین کی طرف سے مثبت ردعمل پایا ہے۔ گاڑی ٹپ ٹرونک کے ساتھ 6-اسپیڈ آٹو ٹرانسمیشن رکھنے والے3.3 V6 پیٹرول انجن سے لیس ہے، جو بلاشبہ ایک طاقتور انجن ہے جو 6,400 rpm کے 270 ہارس پاور اور 5,200 پر 318 Nm ٹارک پیدا کرتا ہے۔
بتایا گیا ہے کہ مستقبل قریب میں کمپنی کِیا ریو، پکانٹو اور اسپورٹیج جاری کرے گی جس کی وجہ سے وہ پاکستانی سڑکوں اور حالات میں گاڑیوں کی کارکردگی کا جائزہ لینے کے لیے ان کے ٹیسٹ لے رہی ہے۔
اس کے علاوہ ٹویوٹا بیزا کو بھی سڑکوں پر دیکھا گیا ہے اور ذرائع کے مطابق کمپنی پاکستانی سڑکوں پر اس کی جانچ کر رہی ہے اور جلد ہی اسے جاری کر سکتی ہے۔
ہماری طرف سے اتنا ہی، اگر آپ کِیا اسپورٹیج کے بارے میں مزید جانتے ہیں تو تبصرے میں ہمیں ضرور بتائیں۔
