ہونڈا کے بعد یاماہا نے بھی موٹر سائیکلوں کی قیمتیں بڑھا دیں
موٹر سائیکلیں بنانے والے ادارے نئے سال کے آغاز پر صارفین کے لیے اچھی خبریں نہیں لا رہے۔ اٹلس ہونڈا کے بعد یاماہا موٹر پاکستان نے بھی اپنی تمام موٹر سائیکلوں کی قیمت میں 6,000 روپے تک کا اضافہ کر دیا ہے۔ کمپنی کے نوٹیفکیشن کے مطابق یاماہا ان قیمتوں کو 7 جنوری 2021ء سے لاگو کرے گا۔
یاماہا موٹر سائیکلوں کی نئی قیمت:
نوٹیفکیشن کے مطابق یاماہا YB125Z کی نئی قیمت 6,000 روپے کے اضافے کے بعد 1,63,000 روپے ہوگی۔ موٹر سائیکل کی پرانی قیمت 1,57,000 روپے ہوگی۔ ساتھ ساتھ یاماہا YB125Z DX کی قیمت میں بھی 6,000 روپے کا اضافہ دیکھا گیا، جس کی نئی قیمت اب 1,69,500 روپے کے بجائے 1,75,500 روپے ہوگی۔
اس کے علاوہ یاماہا YBR125 بھی 6,000 روپے کے اضافے کے ساتھ مزید مہنگی ہو گئی ہے اور اب یہ 1,81,000 روپے کی ہوگی جبکہ پرانی قیمت 1,75,000 روپے تھی۔ یاماہا YBR 125G کی نئی قیمت اب 1,90,000 روپے ہے، جس کی پرانی قیمت 1,84,000 روپے تھی، یعنی اس کی قیمت میں بھی 6,000 روپے کا اضافہ ہوا ہے۔
یاماہا کی جانب سے بڑھائی گئی پچھلی قیمتیں:
اس سے پہلے اکتوبر 2020ء میں یاماہا موٹر پاکستان نے مختلف ماڈلز کی قیمتوں میں 6,500 روپے تک کا اضافہ کیا تھا۔
کمپنی کے نوٹیفکیشن کے مطابق یاماہا YB125Z DX کی قیمت 1,63,000 روپے سے بڑھا کر 1,69,500 روپے کی گئی تھی۔ جبکہ YB125Z کی قیمت 1,51,000 روپے پر 6,000 روپے کے اضافے کے بعد 1,57,000 روپے کر دی گئی تھی۔
ساتھ ساتھ YBR 125 کی قیمت 1,75,000 روپے کی گئی جبکہ پرانی قیمت 1,69,000 روپے تھی۔ اس کے علاوہ YBR125 G کی قیمت 1,84,000 روپے مقرر کی گئی جو پہلے 1,78,000 روپے تھی۔
2021ء میں ہونڈا کی جانب سے قیمتوں میں اضافہ:
ایک ایسے وقت میں جب لوگ ایک دوسرے کو نئے سال کی مبارک بادیں دے رہے تھے، ہونڈا رنگ میں بھنگ ڈالنے کے منصوبے بنا رہا تھا۔ کمپنی نے پیر کو اپنی موٹر سائیکلوں کی قیمت میں 3,000 روپے تک کے اضافے کا اعلان کیا۔ یوں ہونڈا موٹر سائیکلیں 4 جنوری 2021ء سے مہنگی ہونا شروع ہو گئیں۔
پرانی قیمت 77,900 روپے پر 1,000 روپے سے زیادہ کے اضافے کے بعد ہونڈا CD70 اب 79,500 روپے کی ہے۔ دوسری جانب CD70 ڈریم کی قیمت میں 3,000 روپے کا اضافہ کیا گیا اور یہ اب 85,500 روپے کی ہے۔ ہونڈا پرائیڈر اور CG125 دونوں میں 2,000 روپے کا اضافہ ہوگا، جو انہیں بالترتیب 1,10,500 اور 1,31,900 روپے کا کر رہی ہے۔ آخر میں ہونڈا CG-125SE کی قیمت 2,600 روپے کے اضافے کے بعد 1,56,900 روپے سے بڑھ کر 1,59,500 روپے ہو گئی ہے۔
باقی ہونڈا موٹر سائیکلوں کی قیمتیں پچھلے سال جتنی ہی رہیں گی۔
