گندھارا نیسان نے ٹیگو 8 پرو کے ساتھ ایک سب کومپیکٹ کراس اوور ایس یو وی ٹیگو 4 پرو کی بھی رونمائی کی ہے جو کہ اپنی کیٹیگری میں موجود دیگر گاڑیوں کو ٹف ٹائم دے سکتی ہے۔ گاڑی کے فیچرز اور دیگر خصوصیات ذیل میں بیان کیے گئے ہیں۔
پیمائش
گاڑی 4318 ملی میٹر لمبی، 1830 ملی میٹر چوڑی اور 1670 ملی میٹر اونچی ہے، یعنی یہ گاڑی ٹیگو 4 پرو سے چھوٹی ہے۔ دریں اثنا، گاڑی کی وہیل بیس 2630 ملی میٹر جبکہ گراؤنڈ کلیئرنس 185 ملی میٹرہے۔
انجن اور ٹرانسمشن
کراس اوور ٹیگو 4 پرو میں 1500 سی سی ٹربو چارجڈ CI انجن دیا گیا ہے جو 145 ہارس پاور اور 210Nm ٹارک پیدا کرتا ہے۔ دریں اثنا، اس میں CVT ٹرانسمیشن اور تین ڈرائیونگ موڈز) نارمل، اکانومی، اسپورٹ) دئیے گئے ہیں۔
ایکسٹیرئیر
گاڑی میں ایل ای ڈی ہیڈ لیمپس، LED ڈی آر ایل اور LED رئیر لیمپس سمیت پینورامک سن وف اور روف ریلز جیسے فیچرز دئیے گئے ہیں۔ گاڑی میں فرنٹ اور رئیر بون لیس وائپرز بھی نظر آتے ہیں۔ سائیڈ پروفائل کی بات کی جائے تو یہاں 17 انچ الائے ویلز اور 215/60/R17کا ٹائر سائز نظر آتا ہے۔ گاڑی میں سپئیر ٹائر بھی دیا گیا ہے۔
انٹیرئیر
یہ ایک 5 سیٹر سب کومپیکٹ کراس اوور ایس یو وی ہے جس میں الیکٹرانک پاور سٹیرنگ اور میڈیا کنٹرولز بھی دئیے گئے ہیں۔ گاڑی میں آٹومیٹک سنگل زون اے سی بھی دیا گیا ہے۔ اس کے علاوہ گاڑی میں 5.7 انچ کا TFT ڈسپلے سپیڈومیٹر اور 10.25 انچ ka HD سنٹرل کنٹرول بھی دیا گیا ہے جبکہ انٹیرئیر بلیک اور سرخ رنگ میں پایا جاتا ہے جہاں پی وی سی سیٹس نظر آتی ہے۔
کمفرٹ
گاڑی میں ڈرائیونگ سیٹ 6 وے الیکٹرک ایڈجسٹیبل ہے جبکہ پیسنجز سیٹس 4 وے مینوئل ہیں۔ اس کے علاوہ یہاں آپ کو کروز کنٹرول، سمارٹ کی، پش سٹارٹ جیستے فیچرز دیکھنے کو ملتے ہیں۔ جن میں ریورس کیمرہ، ایموبلائزر اور ٹائر پریشر مانیٹرنگ سسٹم بھی شامل ہے۔
سیفٹی
چیری ٹیگو 4 پرو میں 2 ائیر بیگز، اینٹی لاک بریکنگ سسٹم، ٹریکشن کنٹرول سسٹم، اے بی ایس، الیکٹرانک بریک فورس ڈسٹری بیوشن (EBD) ،آٹومیٹک ڈرائیونگ اسسٹنس سسٹم (ADAS) سمیت الیکٹرانک اسٹیبلٹی پروگرام (ESP)، ہل اسٹارٹ اسسٹ کنٹرول، (HAC)، ہل ڈیسنٹ کنٹرول (HDC) اور رول سٹیبلٹی کنٹرول۔ اس کے علاوہ گاڑی میں سپیڈ لیمیٹر ریمائنڈر سسٹم بھی دیا گیا ہے۔
ان خصوصیات سے ظاہر ہوتا ہے کہ یہ گاڑی آپ اور آپ کے خاندان کے لیے کافی محفوظ ہے۔
